Ineo, o COETG e Telefónica afondan nas eivas e logros de Galiza na Rede
Co gallo do festexo duplo do 17 de maio (día das redes e das Letras), a Asociación Ineo organizou onte en Vigo un encontro encamiñado a albiscar o futuro da Sociedade da Información na Galiza e, asemade, da nosa terra na Sociedade da Información. Dito doutro xeito: o obxectivo era localizar aqueles puntos onde ámbolos conceptos son e poden ser máis difíciles de desligar. A xornada, organizada en colaboración co Colexio Oficial de Enxeñeiros de Telecomunicacións de Galicia (COETG), contou coa presenza do director xeral de Ineo, Manuel Soliño, do vicedecano do Colexio, Miguel Merino, e do director de relacións corporativas territoriais de Telefónica, José de la Peña. Todos eles coincidiron en achegar unha serie de prognósticos e en poñer de manifesto as eivas a nivel social e tecnolóxico que cómpre solucionar en Galiza.
Novo número da edición impresa de Código Cero
Como tódolos meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF.
Nesta nova entrega dedicamos un especial interese á celebración do Día de Internet e das Letras Galegas (recursos para esculcar no galego na Rede, o que se está a facer na Rede para normalizar o galego e as iniciativas de Cultura e Innovación para o 17 de maio), temos coma sinaturas convidadas a Beatriz Legerén e Daniel Cerqueiro falando da nova traxectoria de EGANET e incluímos un resumo da actualidade tecnolóxica.
Presentan un libro que narra os últimos 15 anos da Internet en España
Este venres Fundetec
presenta o libro 15 años de Internet. Anécdotas,
experiencias y otros enREDos, no que moitos dos protagonistas da
evolución da Rede en España narran a historia recente da Internet española
mediante as súas historias pesoais.Esta idea naceu a iniciativa do emprendedor Ángel María Herrera (Evoluziona, GrupoBuho e Bubok) e do actual director de operacións de Lattitud, Jorge Villabona, que se dedicaron a recompilar os éxitos e fracasos de máis de 50 persoas chave no avance e posterior consolidación da Internet en España.
O multimillonario Carl Icahn presiona para que Yahoo! acepte a oferta de compra de Microsoft
A Xbox 360 supera os 10 millóns de unidades vendidas nos EE.UU.
O Asus Eee PC 901 contará con procesador Intel Atom
Franco, Paco Vázquez e Galicia Bilingüe, recoñecidos nos Premios Antilingua Galega
LG presenta pantallas con formas elíptica e redonda
 |
Galicia medra a bo ritmo en equipamento informático e liñas de cable para acceder á Internet
Os resultados da Enquisa á poboación sobre a
Sociedade da Información 2007 que vén de publicar o OGSI reflicten
que as TIC continúan a ter unha tendencia de penetración positiva, que fai que
Galicia se achegue ao resto do Estado en varios indicadores da Sociedade da
Información.
Podemos destacar que nos casos do equipamento en ordenadores persoais e en
conexión á Rede por cable o crecemento galego supera á media estatal.
O Zune chega aos 2 millóns de unidades vendidas
O reprodutor multimedia de Microsoft, o
Zune, finalmente superou os 2 millóns de unidades vendidas pese a que aínda non
se comercializa en Europa, o que parece ser a conta de Creative, que pasou de
ocupar un 4% do mercado norteamericano no primeiro trimestre de 2007 a un 2% en
2008, mentres que Apple só baixou dun 72% a un 71%.
Microsoft
faise así cun 4% do mercado dos reprodutores multimedia nos EE.UU.,
quedando nunha posición aceptable dentro das grandes marcas.
O Office para Mac estase a vender mellor que nunca
Co gallo do lanzamento do Service
Pack 1 para Office 2008 para Mac
dáse a coñecer a boa marcha deste paquete ofimático para ordenadores de Apple, o que contrasta coa idea tan estendida de que Microsoft e Apple son compañías enfrontadas.
Así, a división de Mac de Microsoft anunciou que o Office 2008 está a triplicar as vendas que no seu día tiña Office 2004 (a anterior versión dispoñible para Mac) e as vendas serían as máis elevadas nos 19 anos de vida deste departamento da compañía de Redmond.
GADGETS:
Astek anuncia un lector de libros electrónicos que custará menos de 200 dólares
Esta semana Astak
Inc. presenta en Nova York, no marco da feira IDPF, 3 novos
dispositivos para a lectura de libros electrónicos paseados en tecnoloxía
E-Ink, de xeito que permiten unha lectura cómoda e contan cunha autonomía
elevada (ata 8.000 páxina cunha única carga).A nova gama de lectores de libros electrónicos coñécese coma Mentor, e está composta por dispositivos con pantallas de 5, 6 e 9,7 polgadas. Permite ler documentos TXT, PDF, RTF e HTML/CHM e imaxes BMP, GIF e JPEG, así coma reproducir música en formato MP3, achegando estes contidos da súa memoria interna ou a través de tarxetas SD.
Os Mentor soportan distintas linguas (inglés, español, francés, alemán, chinés e xaponés) e o modelo de 5 polgadas podería saír á venda en xuño por menos de 200 dólares, mentres que o de 9,7 polgadas tería que agardar a outubro a un prezo duns 350 dólares, quedando claro que estes novos dispositivos buscan entrar no mercado cun prezo moi atractivo.
VIDEOXOGOS:
The Force Unleashed non terá versión para PC polas súas esixencias gráficas
O último xogo inspirado en Star Wars, The Force Unleashed, non chegará ata setembro para PS2, PS3, PSP, Xbox 360, Nintendo DS, Wii e mesmo para algún móbil, pero desta volta non contará con versión para ordenadores persoais, o que finalmente xustificou o produtor do xogo, Cameron Suey, nunha entrevista para VideoGamer.com, na que asegurou que «se facemos o xogo para equipos de alta gama alguén cun PC de baixas prestacións tería unha mala experiencia de xogo. Debería ter que configurar os gráficos con pouco nivel de detalle e iso non sería o mesmo xogo», o que é unha desculpa que realmente sorprende, pois un agardaría alusións á piratería para PC ou aos altos custos do desenvolvemento da versión, pero non ás dificultades de atender a equipos pouco potentes (especialmente se pensamos que o xogo incluso contará con versións portátiles).
· Dell podería incorporar modems 3.5G de Ericsson nos seus portátiles
· ReadAir leva Google Reader da web ao escritorio
· O casco vello de Pontevedra ofrecerá acceso libre á Internet sen fíos
· Arteixo Telecom mellora os seus resultados económicos
· A comunicación como imaxe, a debate en Pontevedra
· As galegas Hacce e Elogia Media colaboran nun estudo sobre as vantaxes da Web 2.0
· A AEPD publica unha guía con recomendacións para a protección dos cativos na Internet
· Torrent2exe fai moi doada a descarga de ficheiros da rede BitTorrent
· Samsung podería integrar nos seus dispositivos o mini-proxector desenvolvido por 3M
· Sae a versión 4.1 do Opera Mini
· Charla sobre a situación do galego na Rede en Ordes
· Traballo presenta unha ferramenta dixital que mellora a calidade das solicitudes de axudas
· Innovación e as universidades galegas crearán oficinas de software libre nos campus
· Nace unha rede de blogueiros en defensa da lingua galega
· O Campus de Ourense acolle hoxe unha xornada para conmemorar a Rede 2.0 e as Letras galegas
· O COETG presenta o Diccionario Enciclopédico Galego das TIC
· TorrentSpy non pagará a multa de 111 millóns de dólares por infracción do copyright
Publicidade:
