A Cámara de Comercio de Santiago achega formación de balde sobre posicionamento
martes, 15 de setembro do 2015
A Cámara de
Comercio de Santiago vai organizar unha xornada de balde, o día 23,
sobre as cousas que podemos pór en práctica para que os internautas
nos visualicen máis e mellor nas novas canles. A actividade, unha
xornada de innovación inserida no programa Feira do Coñecemento,
desenvolverase baixo o seguinte epígrafe: Mellora
a túa imaxe e posicionamento en Internet.
Celebrarase no salón de actos da Cámara de Comercio entre as 11:00
horas e as 14:00 horas.
Esta actividade
terá un formato de formación e auditoría sobre o posicionamento e
a imaxe en Internet, dirixida a pequenas e medianas empresas que
poidan estar interesadas en coñecer as claves que melloren a súa
estratexia e visibilidade na Rede. A xornada estará impartida por
representantes da empresa NASAS, Axencia Creativa de Marketing
Online. Tralo relatorio
ofreceranse encontros individuais para analizar, “caso a caso”, a
estratexia que levan a cabo as empresas a través de Internet. As
persoas interesadas en recibir atención personalizada deberán
inscribirse
na web da Cámara de Santiago.
Esta acción formativa está financiada polo Fondo Social Europeo e
as Cámaras de Comercio.