A Deputación de Pontevedra comeza ano con 20 obradoiros TIC para autónomos e PEME
xoves, 7 de xaneiro do 2016
- A fachada do punto CPAE 2.0 de Lalín
A Deputación de Pontevedra, a través do CPAE 2.0
(a súa rede de centros atendidos por técnicos especializados en
novas tecnoloxías, con presenza polo de agora en Lalín, Cambados,
Pontevedra, Vigo, Ponteareas e Porriño), segue adiante co seu
asesoramento aos autónomos e PEME da provincia en materia TIC,
impulsando o emprego destas ferramentas “para innovar e para facer
medrar a produtividade”. De feito, a
Deputación comeza o ano con vinte obradoiros sobre TIC a desenvolver
este mes de xaneiro.
Podemos ver información detalla dos cursos, das
datas e das localizacións na páxina web específica do CPAE
2.0, máis polo miúdo no seu calendarios de eventos. Haberá
(entre outros) obradoiros sobre comercio electrónico para PEME,
sobre o uso de Facebook Ads, sobre as máis axeitadas plataformas de
ecommerce que podemos elixir, sobre Google Analytics, sobre as
principais e máis salientábeis ferramentas tecnoloxías para o
sector agrogandeiro ou sobre como tirarlle partido á rede social
Facebook no camiño de rendibilizar o noso perfil profesional.
Destinatarios
Lembrar que para acadar os seus obxectivos o CPAE
2.0 ofértalles aos seus destinatarios (un colectivo integrado por
64.000 autónomos e PEME da provincia de Pontevedra que constitúe o
92% do tecido empresarial desta), unha serie de eventos informativos
nos seus seis centros en Lalín, Cambados, Pontevedra, Vigo,
Ponteareas e O Porriño.