A Escola de Enxeñaría de Telecomunicación renova a súa dirección
mércores, 4 de marzo do 2015
A Escola de Enxeñaría de Telecomunicación (EET) celebrou
hoxe o proceso de elección de director, cargo
que recaeu en Íñigo Cuíñas con 70 votos a favor, 7 en branco e 2 en contra
na Xunta da Escola que considerou atinada esta remuda natural, xa que Cuíñas
formaba parte do equipo directivo da Escola, encabezado por Edita de Lorenzo,
quen despediuse do cargo agradecendo o seu esforzo tanto ás persoas que
traballaron nos dous equipos directivos de ambos mandatos, como de toda a
comunidade do centro. De Lorenzo continuará ligada aos cargos de xestión como
coordinadora de mestrado da EET.
Íñigo Cuíñas foi o único candidatos a ocupar a dirección da EET, cargo que
ocupará durante os vindeiros 3 anos, nos que estará acompañado por Manuel
Fernández como subdirector de Organización Académica, Loreto Rodríguez como
subdirectora de Calidde, Francisco Javier Díaz como subdirector de Extensión,
Enrique Costa como subdirector de Internacional, Miguel Ángel Domínguez como
subdirector de Infraestruturas, Generosa Fernández como coordinadora de grao e,
como xa mencionamos, Edita de Lorenzo como coordinadora de máster.
Nesta nova etapa o renovado equipo de dirección procurará potenciar a
proxección internacional do centro, traballar para as persoas e achegar a Escola
á sociedade.
- Francisco J. Díaz, Enrique Costa, Miguel A. Domínguez, Íñigo Cuíñas, Manuel Fernández e Loreto Rodríguez forman o novo equipo directivo