A Internet é a nosa segunda canle de comunicación preferida

A última onda do Estudio General de Medios (EGM), a que abrangue a recta final deste ano, pasará á historia por ser aquela na que Internet conseguiu confirmarse como o segundo medio de comunicación máis popular na nosa terra. Segundo se detalla na dita investigación, a Rede é xa a canle preferida do 63,1% (partindo dun 51,8% previo), fronte á radio, que a cada unha taxa 60,6%, sendo a taxa anterior exactamente a mesma. Como é de agardar, no primeiro posto da clasificación perdura inamobíbel a televisión, que é seguida por preto do 90% dos enquisados galegos. No plano estatal, a Rede fíxose cun índice de “seareiros” do 71,9%. A tele, do 87,8.
No estudo tamén se fai fincapé na porcentaxe xeral de penetración da Internet en Galicia, que en 2016 foi do 68,6%, sendo a media estatal do 77,3%. O informe achega igualmente información salientábel sobre perfís e metodoloxías empregar para efectuar a conexión. Por xéneros, a porcentaxe próxima á paridade mantense (o 50,2% dos homes fronte ao 49,8% das mulleres) e por dispositivo de acceso seguen unha vez máis en cabeza os smartphones, cunha taxa do 94,8 % (usuarios do último mes) seguidos dos portátiles (51,5%) e das computadoras persoais (35,1%). Por sitios, a nivel estatal os máis visitados (tendo en conta os visitantes únicos nos últimos 30 días) foron, nesta orde, YouTube, Elpais.com e Marca.com.