A OCU combate as subas do petróleo cunha plataforma social en liña
xoves, 28 de maio do 2015
Os
prezos dos carburantes varían arreo, e case sempre soben... Segundo
a Organización de Consumidores e
Usuarios (OCU) estes cambios “non sempre responden á evolución
dos prezos do petróleo”. Atendendo a isto, a
OCU vén de facer público o lanzamento da súa primeira compra
colectiva de carburante, apoiándose directamente na web
quieropagarmenosgasolina.org, unha rede social que xa vai camiño
de ter 220.000 membros.
Emporiso,
cómpre dicir que esta iniciativa non é a primeira nesta liña que
leva a cabo a OCU, pois nos últimos anos aplicou a mesma idea a
outros produtos enerxéticos como a electricidade e o gas, onde fixo
tamén compras colectivas á procura de abaratar estes servizos para
os consumidores.
Segundo
a asociación, esta velocidade no traslado das subidas do petróleo
aos carburantes, coñecida como efecto
foguete, contrasta coa lentitude no
traslado das baixadas, chamada efecto
pluma.
Pola súa banda, o
Goberno anunciou medidas para tentar fomentar máis a competencia no
mercado dos carburantes que se incluirán no proxecto da Lei de
Hidrocarburos. Deste xeito, os grandes operadores petroleiros non
poderán copar máis do 30% das vendas comerciantes polo miúdo
anuais en cada provincia a partir do 1 de xullo de 2016, coa
intención de repartir a cota de mercado de maneira máis xusta.