A USC achega un curso en liña para axudarnos a crear empresas tecnolóxicas
venres, 23 de xaneiro do 2015
A Universidade
de Santiago vén de achegar un novo recurso formativo para favorecer
o camiño de crear unha empresa innovadora. Trátase dun curso
en liña no que se definen, entre outras cousas, o marco as
claves para a constitución de Empresas de Base Tecnoloxía (EBT). A
actividade, que vén da man de Uniemprende, vaise desenvolver do 13
de febreiro ao 13 de marzo cunha carga lectiva de 40 horas. Diríxese
sobre todo a xestores de proxectos de creación de empresas nas
universidades, a persoal universitario que desexe crear unha EBT como
resultado da actividade investigadores, a emprendedores/as e a
persoal que traballo na área de asesoramento á creación destas
empresas.
O curso, que achega unha
oferta limitada de prazas, achega formación “sobre o réxime
xurídico das EBT con especial atención ás particularidades do
coñecemento universitario e a súa transferencia empresarial, o
sistema de creación dunha empresas destas características, a
participación do persoal universitario e o réxime de
incompatibilidades e as relacións entre a Universidade e as EBT”,
informa a USC.
O encargado do
desenvolvemento dos temas será Carlos A. Gómez Otero, secretario
xeral adxunto da USC e experto en materia legal sobre creación de
empresas de base tecnolóxica.
