A Xunta investirá 19 millóns de euros para mellorar o acceso á Rede nos centros educativos
mércores, 25 de novembro do 2015
Alberto Núñez Feijoo, presidente do Goberno autonómico, avanzou
que o Consello da Xunta aprobará mañá unha nova
partida educativa de 19 millóns de euros para dotar con acceso a Internet a 100
Mbps a todos os colexios públicos de Galicia.
Por outra banda, o titular da Xunta sinalou que o Goberno
galego fixo unha aposta decidida polos servizos públicos, tal e como se
reflicte nos sete presupostos que o Goberno impulsou e que foron aprobados polo
Parlamento galego. A través deles, o 80% da totalidade dos recursos que temos
os galegos cada ano se destinaron ao mantemento dos servizos públicos.
Feijoo lembrou que a primeira lei que garante a calidade dos
servizos públicos foi aprobada no mes de abril por este Goberno. Unha lei, que
tal e como subliñou, está orientada a garantir a calidade dos servizos públicos
e que establece un plan plurianual de inspección, que será aprobado
proximamente, e inclúe mecanismos de análise de demandas e mecanismos de
análise das queixas dos usuarios.