A aplicación LEME incorpora milleiros de novos recursos
mércores, 23 de xullo do 2014
Hai pouco máis dun ano o Consello da
Cultura Galega estreou LEME, unha aplicación móbil que quere axudar a
descubrir os equipamentos e recursos culturais galegos, e agora que esta ferramenta de
balde para iOS e para
Android está consolidada, non quere parar de medrar, e anuncia a
incorporación de máis de 12.000 novos recursos chegados de Turgalicia e de
iniciativas cidadás, como é a entidade Patrimoniogalego.net, de xeito que
aprovéitase o potencial de LEME para achegar ao público a través do móbil unha
inmensa cantidade de recursos localizados xeograficamente, resultando de grande
utilidade para atopar equipamentos culturais por toda a nosa comunidade.
A base de datos de LEME está a ser moi ampla, destacando a categorÃa de patrimonio
cultural, que conta con 9.947 recursos catalogados, seguida polas 4.514
entradas na categorÃa de equipamento cultural e os 1.375 rexistros de
patrimonio cultural.
LEME tamén permite xeolocalizar 38 centros de interpretación, 46 teatros e
auditorios, 134 cines, 295 museos, 391 galerÃas de arte e 639 arquivos e
bibliotecas.
LEME nutriuse inicialmente dos contidos das bases de datos de información
xeográfica do Consello da Cultura Galega, como o Mapa de Equipamentos
Culturais, os Roteiros da Cultura Galega e o proxecto As Escolas da Emigración,
ofrecendo de partida máis de 6000 localizacións ao longo de toda Galicia. A
aplicación foi desenvolvida tecnicamente pola empresa Sixtema.