A webserie protagonizada polo galego Brays Efe xa chegou aos 300.000 espectadores en liña
mércores, 24 de agosto do 2016
Entre as webseries de meirande éxito da
tempada atópase sen dúbida Paquita Salas, protagonizada polo
galego Brays Efe
(Vilariño, Pontevedra) e cuxo
primeiro episodio (Casada con esto) foi seguido dende a
súa estrea (o 6 de xullo) por
máis de 300.000 usuarios da plataforma Flooxer, a canle de
contido dixital de Atresmedia. A serie conta un intre da vida dunha
representante de actores chamada Paquita Salas, que ten serios
problemas para actualizarse a si mesma aos novos tempos, artÃsticos
e dixitais, en todo o sentido da expresión. O primeiro capÃtulo de
Paquita Salas tamén se emitiu o luns na canle de TV Neox.
Poderemos ter acceso aos restantes capÃtulos no mes de setembro a
través da devandita plataforma dixital.
A maiores das devanditas cifras, a estrea de Paquita
Salas tamén deixou pegada nas redes sociais, chegando
ser trending topic a nivel estatal e mesmo chegando até a
segunda posición. En Twitter emprazouse como a emisión máis
comentada da televisión española acadando un nivel máximo do 23,6%
de compartillado en Twitter. Os comentarios salientan, sobre todo, a
calidade da serie e máis a súa orixinalidade. A webserie
está dirixida por Javier Calvo e Javier Ambrossi,
O argumento
Paquita Salas está á fronte da axencia de
representación PS Management. O seu intre de gloria foi na década
dos noventa, cando tiña novas promesas da industria na súa carteira
de clientes, pero agora tenta adaptarse como pode aos novos tempos
coa colaboración do seu asistente Maüi Moreno.