Ábrese a inscrición ao concurso Curtas co móbil da Axenda Dixital de Galicia 2020
luns, 15 de setembro do 2014
A AMTEGA vén de abrir o prazo de inscrición no concurso Curtas co Móbil da Axenda Dixital de Galicia
2020, dirixido a mozos e mozas matriculadas na ESO ou Bacharelato de
Galicia, de entre 14 e 18 anos. O formulario
online está xa dispoñible, aceptándose a inscrición ao certame até o 30 de
outubro. Os obxectivos do certame son explorar a creatividade audiovisual dos
mozos a través da gravación de micromovies,
fomentar o traballo en equipo e o uso da lingua galega, así como sensibilizar
sobre a importancia do desenvolvemento tecnolóxico da Comunidade e dar a
coñecer a estratexia tecnolóxica global impulsada pola Xunta de Galicia.
Neste concurso de curtas co móbil os mozos e mozas poderán
participar tanto individualmente como por grupos dun máximo de 5 persoas, e
amosar a súa destreza cinematográfica coa gravación dun vídeo dun máximo de 3
minutos de duración onde se visualice como imaxinan que a tecnoloxía
transformará Galicia no futuro.
Cada equipo designará un titor que forme parte do persoal
docente do centro educativo. A súa tarefa será velar polo cumprimento das
normas do concurso e levar a cabo a inscrición e a entrega das curtas para o
concurso.
O concurso está dirixido a mozos galegos matriculados na ESO ou Bacharelato