Agestic afonda este xoves nas vantaxes das redes para os autónomos

mércores, 23 de abril do 2008 Fernando Sarasketa

Este xoves 24 de abril, Feaga e Agestic celebran en Lugo unha xornada de difusión das vantaxes das novas tecnoloxías información para os autonómos. A cita será a partir das 19.00 horas no número 66 da rúa Montero Ríos, e trataranse temas como a Administración Electrónica, a banca dixital para a empresa, a procura de información na Rede, as compras en liña, o correo electrónico, a xestión con clientes e provedores vía Internet, os trámites para a Seguridade Social ou a implantación de Software Libre.
O encontro, que tamén vai encamiñado a afondar no papel da Rede como instrumento para a competitividade, será dirixido por profesionais da consultoría e da enxeñería tecnolóxica. A inscrición é gratuíta, se ben se debe formalizar mediante o envío do formulario cuberto ó enderezo tecnicos@agestic.org ou ao fax: 982 873 903.

PUBLICIDADE