Arredor de 700 persoas participan a partir deste venres en EscolaTIC
venres, 17 de abril do 2015
Este venres 17 (até mañá
pola tarde) desenvólvese no Pazo de Congresos de Santiago de
Compostela a segunda edición de EscolaTIC,
un evento sobre docencia e novas tecnoloxías inzado de conferencias,
experiencias, obradoiros... dirixidos a todo o profesorado da nosa
comunidade . O programa contará coa presenza de persoeiros de grande
relevancia no ámbito educativo, como son César Poyatos, Linda
Castañeda e Andrea Giráldez, e servirá de vehículo á
presentación de experiencias de integración da tecnoloxía en
centros galegos. Segundo informou a organización esta semana, o
número de persoas que van participar na experiencia rolda a cifra de
700, o que nos dá unha idea nidia da importancia e do alcance da
iniciativa.
A creatividade, o
desenvolvemento das competencias no mundo tecnolóxico no que se
atopa o ensino e o emprego dispositivos “de forma efectiva e
creativa” serán os temas centrais das conferencias plenarias que
se irán desenvolvendo a partir deste venres logo do xantar.
Os obxectivos que se pretende acadar son os
seguintes: Primeiro, impulsar e apoiar o compromiso do profesorado
coa modernización educativa a través da aplicación das TIC nos
procesos de ensino-aprendizaxe; segundo, promover o intercambio de
experiencias de boas prácticas coas novas tecnoloxías dixitais;
terceiro, reflexionar sobre as propostas metodolóxicas que
contribuirán a unha mellor integración das TIC nos centros.
O evento vén da man da Consellería de Cultura e
Educación e das Estruturas de Formación Permanente do Profesorado.
Programa do venres 17
16:15 - 16:45
Acreditación e control de sinaturas.
Recepción
16:45 - 17:00
Inauguración
Sala Santiago
17:00 - 17:30
Conferencia A transformación da
educación na era dixital. Unha visión dende Galicia/ Manuel
Vila López / Carlos Vázquez Mariño.
Sala Santiago
17:30 - 19:00
Conferencia Competencia dixital
docente ou competencia docente nun mundo dixitalizado. Linda
Castañeda
Sala Santiago
19:10 - 20:00
Experiencias.
Escornabot: Robótica infantil para
todas as idades. Tucho Méndez e María Pousa.
Sala Santiago
Experiencias.
Portafolios dixital en educación
secundaria: ePortafolio de estatística matemática. Luis Javier
Rodríguez.
Sala Obradoiro
Obradoiros. Personaxes de Andel. Nuria
Garabal e Susana Lamela.
Sala 12
Sala Aberta. Atención á diversidade e
universo dixital. Juan José Fernández.
Sala 25
20:10 - 21:00
Experiencias. As Barxas Emprende:
Produtora Audiovisual /Luz Beloso e María José Soto.
Sala
Santiago
Experiencias. Senticolor/José Ángel
Penas.
Sala Obradoiro
Obradoiros Personaxes de Andel/ Nuria
Garabal e Susana Lamela.
Sala 12
Sala Aberta A Formación en TIC, está
á altura?/Pablo Nimo.
Sala 25