As mulleres emprendedoras tiran das TIC nos seus proxectos empresariais

venres, 8 de febreiro do 2008 Raquel Noya

A Asociación Galega de Empresas, Agestic, vén de desenvolver no centro ITE de Caixa Galicia da Coruña unha xornada sobre Igualdade de Xénero na Sociedade da Información, que se centrou na análise do papel da muller traballadora dos sectores do comercio e servizos.
As asistentas ó acto coincidiron en que as novas tecnoloxías contribúen a unha mellor organización do tempo e á conciliación da vida laboral e familiar e asemade demandaron un meirande investimento en infraestructuras “que permitan un rápido acceso a Internet”.
Na xornada tamén se citou a Lei de Protección de datos e as últimas solucións tecnolóxicas para pequenas e medianas empresas e autónomos, prestando especial atención ás máis útiles e económicas como primeiro escalón de acceso ás novas tecnoloxías.
Este seminario celebrado na Coruña contou coa colaboración da Fundación Paideia e é o segundo do ciclo que se desenvolve en Galicia dentro da programación de Nin máis nin menos. A vindeira cita será en Ourense o vindeiro 21 de febreiro, onde se analizará a situación da muller ante as TIC entre as profesionais liberais.

PUBLICIDADE