Betaworks vende Instapaper a Pinterest
martes, 23 de agosto do 2016
Para facilitar a consulta posterior de
contidos interesantes que atopamos na Rede a primeiros de 2008 Marco Arment
fundou Instapaper, ferramenta para
gardar para despois contido da web
que está dispoñible tanto vÃa web como para lectores de libros electrónicos e
dispositivos móbiles, e que en 2013 pasou a mans de Betaworks, compañÃa que vén de vender o servizo a
Pinterest.
Nos últimos anos Instapaper experimentou grandes cambios e melloras,
converténdose nunha ferramenta de grande utilidade para moitos usuarios
repartidos por todo o mundo, e dende Pinterest consideraron que a súa
plataforma e Instapaper tiñan elementos en común (ambos servizos collen
contidos interesantes da web), polo que consideraron interesante unir forzas,
aÃnda que mantendo ambas marcas por separado, de xeito que o usuario non
percibirá cambios tras a adquisición, sendo as repercusións da compra algo que
afectará principalmente ao talento detrás de Instapaper, xa que o persoal
deberá deixar a sede de Betaworks en New York e trasladarse aos cuarteis de
Pinterest en San Francisco.
O que si desaparecerá e o servizo de pagamento para desenvolvedores
Instaparser, que achegaba unha experiencia de navegación web ultrarrápida para
os seus usuarios finais (extraendo o esencial de cada páxina web), e que
deixará de estar dispoñible o 1 de novembro.