Colle corpo a segunda edición do Congreso de Software Libre para a Educación, da man de Igaciencia
luns, 13 de maio do 2013
A programación aberta achega múltiples vantaxes e
beneficios para o ensino, tanto é así que xa hai unha chea de
especialistas en educación que sosteñen que o software libre é en
si mesmo educación. Entre as principais razóns deste argumento
figuran a súa natureza aberta (non ten segredos e os recursos soen
estar a disposición de todas e todos para o seu uso), o seu custe
xeralmente máis baixo e o espírito de colaboración e cooperación
que adoita a fomentar. Tomando isto como base, vénse de convocar na
nosa terra a segunda edición do Congreso
de Software Libre para a Educación. A iniciativa vén da man
dunha das entidades que máis a está a traballar polo achegamento da
ciencia e a tecnoloxía, na nosa lingua, ás escolas: a plataforma
Igaciencia.
Os obxectivos do congreso son promover o intercambio
de coñecemento entre investigadores e profesores de educación na
área de software libre e achegar a posibilidade de encontro entre
todos os docentes galegos interesados no ensino da área
científica-matemática-tecnolóxica, e mesmo das demais áreas do
ensino, desde o punto de vista a programación aberta. Tamén se
trata de albiscar as posibilidades de uso do software libre nas
empresas e na Formación Profesional.
Igualmente, sinala Igaciencia, a actividade está
orientada a facilitar a actualización do profesorado galego,
difundir os novos vieiros de código aberto, impulsar o
desenvolvemento da investigación en educación e en software libre,
dar a ocasión de coñecer innovacións educativas e difundir
distintas liñas para a aprendizaxe e ensinanza das distintas
materias de ensino. O evento desenvolverase en xullo de 2013, durante
os días 1 e 2, en horario de 10 a 14 horas e de 16 a 20 horas. O
emprazamento elixido é o CAFI, o Centro Autonómico de Formación e
Innovación en Santiago. As prazas dispoñíbeis son 125, e os
destinatarios son profesoras e profesores de Primaria, de Secundaria
e de Universidade.
A continuación, damos conta da relación
provisional de relatorios:
·
Obradoiro
Exelearning, Moodle. Pilar
Anta do IES de Sabón
·
Obradoiro
de Maxima. Mario
Rodriguez Riotorto
·
Teleformación
con Innovación Educativa e Software Libre.
Roberto Brenlla (Tegnix)
·
BioStatFLOSS:
Unha ferramenta para a educación en BioEstatística.
Miguel Ángel Rodríguez Muíños (Dirección Xeral de Saúde
Pública. Consellería de Sanidade. Xunta de Galicia)
· App
Inventor. Os primeiros pasos en Android.
Manuel Díaz Regueiro e Inés Ben
·
Obradoiro
de Youtube Susana
Vázquez e Xacobo del Toro (educaBarrié)
·
Estatística
con Scilab.
Consuelo Castro (IES de Trasancos)
·
Obradoiro
de Geogebra e Arte..
Manuel Díaz Regueiro e Inés Ben.
· Mesa
Redonda sobre EPUB 3, as súas posibilidades, o futuro dos libros
escolares dixitais, e
a interactividade con HTML5. Como integrar unha calculadora -e máis-
nun libro dixital. Membros da mesa: Francisco Botana (UVigo), Manuel
Díaz (Igaciencia),...
· Abalar:
sistemas informáticos da Amtega. Relator:
Pablo Nimo Liboreiro.
· Abalar:
caso de éxito de centro educativo.
· Centro
educativo: CEIP Ramallosa (Teo, A Coruña). Relatores:
Francisco Nanín Castro e Benxamín Salgado Gómez.
· Oficina
de coordinación de Software Libre. Relator:
persoal da AMTEGA.
· Rede
CeMIT. Relator:
persoal da AMTEGA.
·
Localización
de Software Libre ao galego.
Trasno
·
Experiencia
do CESGA no uso do SW. Libre aplicado en ferramentas colaborativas
e e-learning. Aprendizaxe das linguas e da Xeografía-
Historia.
María
José Rodriguez Malmierca (Responsábel
do Departamento de e-learning e ferramentas colaborativas do CESGA).
· Enquisa
sobre o uso das aplicacións científicas nos entornos académicos do
CESGA. Andrés
Gómez (CESGA).
·
Estatística
Educativa para a avaliación dos alumnos con R,
Salvador Naya (UDC)
· Control
de Calidade usando a Metodoloxía Seis Sigma con R,
Salvador Naya (UDC)
·
Realidade
virtual e realidade aumentada no CDTIC de Santiago
·
Impresoras 3D
· Biblioteca dixital do
centro
· Tradución de
contidos de exelearning
As comunicacións serían as
seguintes:
· Utilización
de sistemas operativos basados en Linux en educación
Florentino Blas Fernández Cueto CIFP-Ferrolterra.
· Learning
gamification con Moodle Eduardo
Antonio Soto Rodríguez Colexio Apóstol Santiago de Vigo.
· Ferramentas
livres para aprender vocabulário de línguas estrangeiras
Joseph Ghanime
López Escola oficial de idiomas de Lugo.
· Novo
enfoque no uso das TICs no ensino: Portabilidade, software na nube e
traballo distribuído
Alberto Rivera
Caboalles CIFP A Xunqueira de Pontevedra.