Comezan en Vigo as Xornadas Técnicas avaliando ao detalle unha cidade conectada
martes, 25 de novembro do 2014
Hoxe e mañá mércores
celébrase en Vigo unha xuntanza de interese para calquera lector
desta web, sobre todo para aqueles seareiros das novas tecnoloxÃas
que desexan ver até que punto estas poden cambiar o noso xeito de
vivir nunha cidade, vila ou aldea. Falamos da terceira edición das
Xornadas Técnicas de Vigo Smart Cities &
Communities, unha cita á que se espera que acudan uns
trescentos profesionais dos ámbitos público e privado e con
relación directa cun fenómeno que vai cambiar (está a cambiar xa)
para sempre os modelos urbanos establecidos (xeitos de relacionarnos
coa administración local, xeitos de desprazarnos, xeitos de
comunicarnos, xeitos de vivir no noso fogar).
As xornadas desenvólvense
no Auditorio
Mar de Vigo e veñen da man do Concello de Vigo, a Fundación
FAIMEVI (Fundación Axencia da EnerxÃa de Vigo) e o Colexio de
Enxeñeiros Industriais de Galicia, coa colaboración do Consorcio da
Zona Franca e da Universidade de Vigo e coa presenza de entidades como o centro tecnolóxico coruñés CITIC,
o Clúster TIC Galicia, o Colexio Profesional de EnxeñarÃa en Informática de Galicia ou o centro tecnolóxico Gradiant.
O evento dirÃxese a
favorecer o intercambio de coñecemento e experiencias prácticas
para contribuÃr á mellora dos servizos á cidadanÃa, da contorna
social, económico e ambiental. Combinaranse sesións técnicas
ademais dunha zona de exposición de acceso libre, con máis de 30
casetas, onde empresas de primeiro nivel mostrarán as súas
propostas no ámbito das cidades intelixentes e das comunidades
dixitais.
Polo que respecta ao
programa, achegará arredor dunha trintena de relatorios
especializados.
A primeira xornada contará coa presenza (entre
outros) de Roberto Bustillo (decano da Facultade de Dereito da
Universidade de Vigo, falando do réxime xurÃdico da
eAdministración), Fernando Vázquez (de Imatia, falando do concepto
de Goberno Intelixente) ou Conrado Toro (de WebDreams, afondando na
cuestión da dixitalización dos servizos públicos locais).
Tamén
falarán de cidades conectadas e das súas posibilidades para a
cidadanÃa, as empresas e as administracións, relatores expertos
como Antonio Sánchez (de Wairbut) ou Javier Albertos Benayas, que
exporá un caso de éxito do Concello de Vigo en materia de
innovación na xestión. Xa pola tarde, intervirán Marian Leboreiro
(Colexio Oficial de Arquitectos de Galicia, falando de novos métodos
para administrar e xestionar un espazo urbano), Antonio Moreno (Jung
Electro), Iago Barbeito (SETGA) ou Alberto Méndez (CO2 Smart Tech),
entre outros expertos aÃnda pendentes por confirmar.
Nas Xornadas Técnicas
está previsto que se atopen profesionais das TIC e da
eAdministración para afondar en cuestións como o potencial e
posibilidades das urbes conectadas do futuro. A xuntanza está
encamiñada a profesionais do sector, expertos de recoñecido
prestixio, empresas lÃderes a nivel estatal e administradores
municipais, nos que se debaterá e profundará de maneira integradora
diferentes aspectos relacionados coas novas tecnoloxÃas no eido das
Cidades Intelixentes (Smart Cities), a xestión intelixente
dos recursos e a transformación urbana que isto significa.