Coremain, nos novos encontros de Microsoft
venres, 30 de novembro do 2018
A
empresa
galega Coremain vén de participar activamente na nova edición
Microsoft Tech Summit Madrid, un referencial punto de encontro
para os profesionais das tecnoloxías da información do ámbito
estatal e europeo, coas tecnoloxías do xigante de Redmond no punto
de mira pero tamén outras complementarias. Á cita asistiron, por
parte da firma galega, Manuel Candal (Industria) e Ramón Piñeiro
(BPO). Segundo informa Coremain, a Intelixencia Artificial e as
aplicacións de Microsoft Cloud protagonizaron o programa da xornada,
na que se deron a coñecer algúns proxectos salientábeis en materia
de innovación de grandes compañías, como Repsol, Aenor ou A Liga
Española de Fútbol Profesional.
Amais,
no transcurso do evento achegáronse recursos para o intercambio de
impresións, coñecemento e capacidades tecnolóxicas, dándose a
coñecer as últimas novidades de provedores e partners.
Segundo explican dende Coremain, “grazas a encontros coma este, con
análises das oportunidades que nos ofrecen novos desenvolvementos
tecnolóxicos, as novas integracións de servizos, e a rede de
sinerxías que establecemos con outros axentes, conseguimos mellorar
de continuo as nosas solucións para ofrecer sempre aos nosos
clientes produtos da máxima excelencia”.
Porén,
non foi a única colaboración recente de Coremain con Microsoft. De
feito, o equipo de sistemas de planificación de recursos
empresariais (ERP), como parte do QBS Group de Microsoft, asistiu a
pasada semana a un novo encontro #QBShare, co obxectivo de coñecer
as novidades relativas a Dynamics 365 e as novas oportunidades de
negocio que este paquete de ferramentas de xestión empresarial
intelixente de Microsoft poñen en xogo. Felipe Pérez e Francisco
González, da área de ERP da firma galega, asistiron en
representación de Coremain ao evento bianual celebrado nas oficinas
de Microsoft en Madrid. Durante o encontro puideron descubrir as
últimas novidades de Microsoft Directions.