Facebook está a probar un asistente persoal integrado en Messenger

Parece que se aproxima unha curiosa competición dentro do mundo dos servizos en liña, de xeito que os principais axentes parecen ter movido peza no mundo dos asistentes persoais, e despois de que Google lanzase o seu Google Now, Apple o seu Siri e Microsoft a solución multi-plataforma Cortana, dende Facebook dan conta dun servizo en probas chamado M, que sería un asistente persoal integrado no seu Messenger, que completaría tarefas e atoparía información, para o que empregaría intelixencia artificial baixo o adestramento e a supervisión de persoas.
Deste xeito M pretende axudar a mercar cousas, enviar agasallos ás nosas persoas queridas, realizar reservas en restaurantes, organizar viaxes e moitas outras cousas que irán desenvolvéndose nos vindeiros meses, descoñecéndose polo momento cando este servizo chegará ao público xeral.