GOG incorpora ao seu catálogo 6 xogos clásicos de Star Wars

X-Wing vs. TIE Fighter foi un dos xogos de naves da Guerra das Galaxias mellor recibido no seu día

O pasado outono a tenda de videoxogos descargables para PC sen protección DRM, Good Old Games (GOG) estreou como editor a Disney Interactive, o que supuxo a recuperación de 20 clásicos xogos de LucasArts, entre os que destacaban varios xogos de naves de Star Wars por ser a primeira ves que se comercializaban como descarga, e agora están a ampliar este catálogo cunha segunda vaga de xogos da Guerra das Galaxias.
As novas incorporacións son tres estreas en formato descargable (Star Wars: X-Wing vs. TIE Fighter, Star Wars: X-Wing Alliance e Star Wars: Galactic Battlegrounds Saga) xunto con outros tres títulos (Star Wars Battlefront II, Star Wars: Dark Forces e Star Wars: Knights of the Old Republic II: The Sith Lords).
Con estes lanzamentos non só se facilita a compra destes clásicos, senón que se permite a súa execución en sistemas operativos modernos, o que é un reto para case todos os xogos editados o século pasado ou a primeiros do presente.