GalicianTunes promociona a máis de 200 grupos e solistas galegos
venres, 22 de agosto do 2014
A ConsellerÃa de Cultura, Educación e Ordenación
Universitaria está a reforzar o labor de promoción da música galega que
desenvolve a través da marca GalicianTunes
coa posta
en marcha de novas seccións da súa páxina web e a súa incorporación ás
redes sociais. Este portal difunde na Internet a música dos 200 grupos e
solistas rexistrados ata o momento, ao tempo que mantén aberta de xeito
permanente a recepción de novas solicitudes de artistas, empresas musicais e
festivais galegos que desexen formar parte da plataforma.
Entre as novas accións promocionais, destaca a recente posta
en marcha da súa
páxina oficial en Facebook, a través da que se busca colaborar activamente
na difusión de novos traballos discográficos, vÃdeos e outras novidades
relacionadas coas bandas e intérpretes que forman parte da web. Tamén obtén un
especial tratamento nesta rede social o ‘Artista/Grupo da semana’, nova sección
de galiciantunes.com que cada sete dÃas centra a súa atención nun dos grupos ou
solistas que contan con ficha actualizada.
Reformulación
Este é, xunto co de festivais, un dos novos apartados incorporados ao portal da
música de Galicia, que en outubro do ano pasado presentouse cun deseño renovado
e unha reformulación dos seus contidos co obxectivo de ofrecerlle á industria
musical galega unha ferramenta útil para lograr unha maior visibilidade social
e contribuÃr á súa proxección tanto dentro como fóra da nosa Comunidade. Neste
sentido, conta con versións en galego, español e inglés, que se activan
automaticamente segundo o idioma no que estea configurado o navegador do
usuario.
Coa súa posta en marcha, deuse tamén un importante paso
adiante no impulso de GalicianTunes como marca que a ConsellerÃa de Cultura,
Educación e Ordenación Universitaria pon a disposición de asociacións, empresas
e artistas do sector musical galego como etiqueta de calidade e identidade
propia, asà como para a súa participación conxunta en encontros, mercados e
feiras internacionais.
Promoción en Womex 14
De feito, GalicianTunes será a marca principal do pavillón da música galega no
recinto feiral de Womex 14, o meirande mercado internacional para as chamadas
músicas do mundo, que terá lugar na Cidade da Cultura de Galicia e noutros
espazos de Santiago de Compostela do 22 ao 26 de outubro. Unha vintena de
empresas e asociacións profesionais difundirán o seu traballo e os seus
artistas a través deste gran expositor, desde o que se dará a coñecer a riqueza
e a creatividade da nosa música aos máis de 2.500 delegados que a feira agarda
congregar na edición deste ano.
A implicación dos diferentes axentes da industria musical
galega está a resultar fundamental á hora de impulsar GalicianTunes como marca
común, asà como no mantemento e crecemento da nova páxina web. Neste último caso,
son os propios intérpretes e empresas os que facilitan e actualizan todos os
datos e o material necesarios para o funcionamento óptimo de galiciantunes.com.
Grazas a esta colaboración, o portal acolle a dÃa de hoxe 200 artistas e grupos
de todos os estilos, que á súa vez reúnen referencias a 325 traballos
discográficos e dan acceso á reprodución en liña de 410 vÃdeos musicais.
Ademais da información directa sobre cada unha destas bandas e solistas
(traxectoria, contacto para contratación, discografÃa e vÃdeos), as fichas
redirixen ás páxinas web promocionais, redes sociais, aplicacións de
reprodución en streaming e portais de
venda de música en liña que estean dispoñibles en cada caso.
O portal inclúe tamén un apartado dedicado especificamente á
industria musical, que na actualidade está composto por 44 asociacións
profesionais e empresas que desenvolven a súa actividade en ámbitos como o management, produción e promoción de
eventos, iluminación, son, edición musical, gravación e produción discográfica,
entre outros.