Imatia e Situm impóñense nos Premios Galicia Spin-Off
luns, 9 de novembro do 2015
Finalmente
xa
temos os nomes das firmas recoñecidas nos Premios
Galicia Spin-Off,
organizados por Banco Pastor (Grupo Banco Popular) e o portal galego
de divulgación científico-tecnolóxica GCiencia.
Por
unha banda temos a empresa
viguesa Imatia, adicada
ao desenvolvemento rápido de software innovador. Pola
outra, á
compostelá Situm, especializada en
xeoposicionamiento en interiores. Ambas
firmas foron
elixidas polo xurado como as gañadoras dos Premios
Galicia Spin-off nas categorías Selo
de Calidade
e Idea
Emerxente,
respectivamente. A empresa de biotecnoloxía Celtalga recibirá tamén
unha distinción ao resultar finalista na categoría Idea Emerxente.
Lembrar que os
premios foron convocados co obxectivo de distinguir as mellores
iniciativas empresariais xurdidas nos grupos de traballo de traballo
das nosas tres universidades (o que se coñece como spin-offs)
máis destacadas pola súa traxectoria (Selo de Calidade) e
pola posta en marcha de ideas innovadoras (Idea Emerxente). Os
galardóns entregaranse nun acto que terá lugar a finais de novembro
na sede da Fundación Barrié de la Maza en A Coruña.
O xurado, composto
por expertos de Pastor, do CSIC, da Real Academia Galega de Ciencias,
do portal GCiencia e profesionais da ciencia, tivo “un difícil
traballo para elixir as propostas gañadoras entre unha ducia de
iniciativas que accederon á selección final do premio”, segundo
informan os organizadores do certame. Entre as empresas participantes
atopábanse firmas adicadas á creación de software innovador,
outras que innovan cos seus produtos no sector sanitario, empresas
agroalimentarias punteiras e compañías que investigan novos
produtos procedentes do medio mariño.
Imatia, como
recordaremos, é unha spin-off especializada no
desenvolvemento rápido de software innovador para empresas e
administracións públicas. O seu obxectivo estratéxico é a
comercialización de produtos de software a través das marcas
Ontimize, Cividas e Elastic. Entre os méritos que o xurado tivo en
conta para a concesión do premio destaca “a súa traxectoria de
excelencia ao longo de dez anos”, nos que acadou fitos como a venda
dos seus produtos nos países máis avanzados do mundo e emprazarse
como provedora de empresas referenciais no mercado como Inditex, BNP
Paribas ou ADIF. Imatia conta a día de hoxe cun persoal de 71
traballadores (moitos deles titulados nas tres universidades galegas)
e prevé uns ingresos este ano superiores aos 3,5 millóns de euros.
Como gañadora do premio no apartado Selo de Calidade, Imatia
recibirá unha oferta de financiamento de Pastor e recibirá unha
peza escultórica exclusiva.
No apartado Idea
Emerxente a candidatura gañadora foi a de Situm Technologies,
nada na Universidade de Santiago de Compostela. Dedícase, como
recordaremos, ao desenvolvemento e comercialización da súa propia
tecnoloxía de localización en interiores para dispositivos
intelixentes. As súas tecnoloxías implantáronse xa en máis de 30
edificios repartidos por diversas partes do mundo (Galicia, Madrid,
Barcelona, EUA, Xapón e Colombia). O seu produto principal, Situm
RTLS, é unha plataforma de localización en interiores para
teléfonos intelixentes. O premio que recibirá como gañadora no
apartado Idea Emerxente consistirá en 2.000 euros en
metálico, unha peza de deseño exclusivo e unha oferta de
financiamento de Pastor. Situm, entre outros fitos recentes, fíxose
co co
primeiro premio da iniciativa YUZZ a nivel estatal, situouse
entre as gañadoras do concurso Elevator Pitch Singularity
University, fíxose
co premio Ideas do proxecto Coruña Smart City, conseguiu o
recoñecemento como Iniciativa de Emprego de Base Tecnolóxica (IEBT)
da Xunta de Galicia e tamén liderou
os premios da I edición de Galicia Open Future.
A candidatura
finalista no apartado Idea Emerxente é a spin-off da
Universidade de Santiago Celtalga Extract. A empresa dedícase á
produción de extractos acuosos de macro algas procedentes das costas
galegas. Os produtos obtidos aplícanse de xeito prioritario ao
sector cosmético aínda que tamén se poden utilizar noutros eidos
como a alimentación e a agricultura. As vendas da empresa acadarán
os 250.000 euros en 2016. Como finalista neste apartado, Celtalga
recibirá unha peza física de deseño exclusivo.