Instagram facilitará o uso de varias contas de usuario
luns, 8 de febreiro do 2016
A
finais de novembro soubemos que Instagram
estaba a probar na súa aplicación para Android o soporte de múltiples-contas,
facilitando asà que nun único dispositivo fose posible publicar imaxes como
varios usuarios de Instagram sen ter que pechar a sesión e volver a introducir
o nome de usuario e o contrasinal (proceso bastante laborioso como para facelo
con frecuencia), e finalmente esta funcionalidade será oficial, tal e como
veñen de anunciar no blog oficial da compañÃa, no que aseguran que esta semana a
súa aplicación para iOS e Android recibirá como principal novidade o poder
conmutar entre varias contas de usuario de xeito rápido.
Cando un usuario configure en Instagram varias contas de usuario, chegará con
que pique no seu nome de usuario no seu perfil para poder conmutar entre as
súas distintas contas. Na aplicación aparecerá a foto de perfil en distintos
lugares para que o usuario sexa consciente da conta coa que está a empregar a
aplicación a cada momento.
Esta prestación é especialmente desexada por profesionais que xestionan varias
contas de usuarios e que tiñan serios problemas para xestionalas
simultaneamentes, mentres que outras plataformas sociais como Twitter contan
con tal funcionalidade dende hai bastantes anos.
ACTUALIZACIÓN (9-2-2016): A actualización de Instagram con soporte multi-conta xa está dispoñible: