Irrompe no mercado a primeira cooperativa de telefonía: Eticom-Som Connexió
martes, 22 de abril do 2014
- Unha das asembleas da nova cooperativa con raizame en Catalunya
Consumir
de maneira xusta, así se podería resumir a esencia dunha nova
xanela que se abre no eido da telefonía e a conexión a Internet.
Estamos a falar da primeira cooperativa de telefonía en España que
chega
baixo o nome de Eticom-Som Conmexió. Para facérmonos unha idea:
con algo máis dun mes de existencia, xa son máis de 330 os socios
desta proposta e, en dúas semanas, levan
recibidas 85 solicitudes para instalar o servizo en particulares e
seis de persoas xurídicas.
Eticom-Som
Connexió defínese como unha idea que “se integra dentro do
eido da economía social e solidaria. Somos unha cooperativa sen
arela de lucro, de construción participativa e comunitaria”. O
que queremos é ir cambiando o mundo paseniño, dende abaixo”,
afirmaba Mercé Botella, parte do Consello Reitor da cooperativa.
Esta integra varias persoas procedentes de
entidades da economía social
que tomaron como modelo a seguir Som
Energía, unha cooperativa de enerxías renovábeis, que en tres
anos ten case 14.000 socios e xestiona 13.577 contratos de luz.
E
como ser socio? Pois é preciso
poñer inicialmente un capital de 100 euros, tendo logo a opción de
até cinco contratos de liñas diferentes.
Unha
PEME de Euskadi -Nubiq- vén de converterse no seu socio tecnolóxico
(dito doutro xeito: quen achega os servizos), tendo a intención de
ser adquirida nun futuro pola cooperativa.
En
canto ás infraestruturas, alúganllas a Orange. Mercáronlle un
paquete pechado de minutos e datos; a partir de aí van achegando os
seus propios servizos adaptados ás necesidades dos
socios. “Unha
conexión a internet dun xiga custa 25 euros”,
indicaba Botella.
A
xeito de
curiosidade dicir que os
pequenos concellos xa amosaron o seu interese por esta idea, mais son
sobre todo os particulares os principais obxectivos, tendo en mente
que estas infraestruturas poidan ser empregadas por máis xente,
sendo posíbel unha explotación polo ben común, segundo verbas de
Mercé Botella.