Media Markt lánzase a organizar obradoiros tecnolóxicos de balde
martes, 7 de xullo do 2015
Media Markt, cadea de
equipamento electrónico e informático con presenza na nosa terra
(Vigo, A Coruña, Ferrol e Lugo), informa que a partir de hoxe achega
obradoiros formativos sobre produtos tecnolóxicos para clientes na
tenda Media
Markt Siero. Esta iniciativa responde, en palabras da cadea
xermana, ao seu interese por “adaptarse ás necesidades e
preferencias do usuario co obxectivo de ofrecer un servizo
excelente”. Os talleres, de balde con inscrición previa,
realizaranse por agora durante o transcurso do verán, dende o 7 de
xullo ao 20 de agosto. Non se descartan máis accións deste tipo e
noutros puntos da rede.
Os clientes poderán
escoller entre aprendizaxe para o uso de MAC, Windows, iPhone ou
Android, ou tamén terá acceso a actividades sobre como tirar
partido dunha Smart TV. Igualmente, haberá un curso de iniciación
á fotografía. Todos estes obradoiros terán unha duración de 1h
30min e repartiranse en quendas de mañá (12h) e tarde (20h) en
grupos de, como máximo, 10 persoas.
Francisco Rodríguez,
responsábel de atención ao cliente de Media Markt Siero, comenta
que “esta iniciativa creouse para que os nosos clientes poidan
sacarlle o máximo partido aos seus dispositivos tecnolóxicos”. Na
súa opinión, trátase “dunha gran oportunidade para que resolvan
as súas dúbidas e aprendan a utilizar a tecnoloxía de maneira
eficiente, espremendo ao máximo todas as súas funcionalidades”.
Para inscribírmonos
nalgún dos talleres que ofrece Media Markt, temos que enviar un
correo electrónico a mm.siero.eventos@mediamarkt.es indicando o día
e horario ao que queiramos asistir co nome, apelidos, correo
electrónico e teléfono.