Microsoft potenciará o 3D, a realidade mixta e o xogo en liña coa vindeira grande actualización de Windows 10
xoves, 27 de outubro do 2016
Nos últimos meses Microsoft demostrou estar nun bo momento,
conseguindo que Windows 10 se consolide como un sistema operativo ben aceptado
polo público e conseguindo que as súas divisións de hardware xeren importantes
beneficios, polo que decidiu continuar na mesma liña e renovar os seus produtos
e incluso presentar novos dispositivos que deixan claro que aÃnda queda espazo
para a innovación.
A nivel de hardware Microsoft renova o seu ordenador portátil Surface Book cun
modelo de maior potencia e autonomÃa, e aproveita os conceptos empregados pola
familia de dispositivos portátiles Surface para estrear o primeiro ordenador de
sobremesa de Microsoft, o Surface Studio. Adicionalmente tamén presenta un
pequeno accesorio para facilitar o control creativo durante o uso de pantallas
táctiles, o Surface Dial
Windows 10 Creators Update
Come eixe dos novos produtos teremos a grande actualización
de Windows 10 que chegará a primeiros de 2017 e que levará como alcume Creators Update, deixando clara a súa
intención: achegar ferramentas para que calquera poida crear, compartir e
experimentar as 3D e a realidade mixta.
Para facilitar a creación en 3D o produto que vai ter un impacto maior
probablemente sexa a nova versión do clásico Microsoft Paint, aplicación moi
básica que agora transfórmase no Paint 3D, un estudio de arte en tres
dimensións que promete dar moito xogo, aÃnda que o manexo de modelos 3D non se
limitará a esta ferramenta, senón que tamén contará cunha comunidade en liña
(Remix3D.com) e integrarase no Office (de xeito que poderemos incorporar
elementos 3D en documentos ofimáticos).
AÃnda que realizar modelos tridimensionais é un proceso bastante complicado,
Microsoft tamén amosou unha ferramenta que valéndose unicamente cun smartphone
é posible converter un elemento do mundo real nun modelo 3D que logo poder
tratar no ordenador, o que abre a porta a unha tecnoloxÃa que até o momento
parecÃa limitada a profesionais con grandes coñecementos técnicos.
VÃdeo de presentación da Windows 10 Creators Update
Realidade virtual e realidade aumentada
A compañÃa de Redmond leva bastantes meses traballando na
realidade mixta de HoloLens, casco que vai na liña dos de realidade virtual,
pero que intégrase no contorno do usuario, de xeito que proxecta unha realidade
virtual sobre a imaxe que percibimos do noso redor, ampliando a realidade con
elementos virtuais, que poden ser dende modelos 3D que poderemos ver como se
tivésemos o obxecto fÃsico diante, até pantallas virtuais nas que ver contidos
de todo tipo.
Pero esta tecnoloxÃa aÃnda está en desenvolvemento, abrÃndose pouco a pouco aos
desenvolvedores, de xeito que tardaremos en vela no mercado, estando polo
momento máis próximas as solucións de realidade virtual, que nos vindeiros
meses darán un importante salto de cara á súa comercialización, xa que
Microsoft anunciou que HP, Lenovo, Dell, Acer e Asus comercalizarán os
primeiros cascos de realidade virtual compatibles coa vindeira grande actualización
de Windows 10, pero que en vez de ter os esaxerados prezos que teñen estes
accesorios na actualidade, partirán dos 299 dólares, o que fai moito máis
accesible esta tecnoloxÃa tan prometedora.
Novas posibilidades para os xogadores
Os xogadores de Xbox One e PC tamén beneficiaranse de
importantes cambios da Creators Update,
de xeito que Windows 10 incorporará funcionalidades como Beam, un sistema que
permitirá que os usuarios poidan facer streaming
de vÃdeo das súas partidas contando con grandes posibilidades interactivas e,
por se iso non chegaba, os usuarios tamén poderán tirar proveito de Arena en Xbox LIVE, plataforma que
permitirá a calquera crear as súas competicións, para convidar a amigos e facer
un seguimento dos torneos, dando unha maior versatilidade ao xogo en liña.
Microsoft tamén avanzou que os xogadores ordenadores en Windows 10 tamén
poderán gozar de xogos como Forza Horizon
3 ou Gears of War 4 en ultra alta
definición, de xeito que quen teña equipos de grande potencial non quedarán
limitados á resolución que ofrecen os grandes lanzamentos en consolas de alta
definición.