Niantic comeza a expulsar aos trampóns de Pokémon GO
venres, 19 de agosto do 2016
O xogo móbil Pokémon GO converteuse en todo
un fenómeno de masas que principalmente anima aos xogadores a explorar o seu
contorno na caza de criaturas virtuais, pero algúns usuarios non parecen estar
moi conformes co este obxectivo e empregan trucos e trampas de distinto tipo
para poder coleccionar o maior número de Pokémon sen moverse a pé polo mundo
real, o que inicialmente dende Niantic resolveron con distintas medidas de
seguridade pero, atendendo ás queixas dos xogadores honestos, decidiron pórse
finalmente máis drásticos, e anuncian a través da súa páxina oficial en
Facebook que xa están a tomar medidas contra os trampóns, para que non
estraguen a experiencia do resto de xogadores, de xeito que xa hai usuarios
recibindo comunicacións por correo electrónico informándoos de que a súa conta
de usuario foi cancelada, ou sexa, que expulsan definitivamente aos
trampulleiros do xogo.
Ante a posibilidade de que algunha expulsión fose inxusta, dende Niantic
crearon un
formulario para apelar a decisión de expulsión do xogo, aÃnda que parece
improbable que vaian realizar baneos
inxustificados, xa que probablemente o que detecte Niantic non sexan problemas
no funcionamento do GPS do móbil, senón a identificación a través de
aplicacións non oficiais, de xeito que quen empregue ferramentas para ter
vantaxes no xogo ou simplemente simule unha posición GPS para facilitar a caza
de Pokémon raros deberÃan evitar esas prácticas se non queren perder todos os
seus progresos e verse expulsados do xogo indefinidamente.