O Arquivo Dixital Único de Galicia será unha realidade en 2015
xoves, 18 de decembro do 2014
O presidente do Goberno galego destacou hoxe que ao
longo do vindeiro ano entrará en funcionamento a primeira fase do Arquivo
Dixital Único de Galicia, que albergará os fondos do Patrimonio Documental
galego e favorecerá unha mellor interconexión administrativa no eido da
Eurorrexión. Núñez Feijoo deu conta do acordo adoptado no Consello da Xunta
polo que se aproba o marco de referencia do Arquivo Dixital de Galicia que,
segundo apuntou, vén ser a estrutura tecnolóxica e organizativa que dará
soporte ao modelo de xestión de documento electrónico da Administración pública
autonómica.
O Arquivo Dixital de Galicia incluirá dúas áreas diferenciadas: o Arquivo
Electrónico Administrativo e o Arquivo Electrónico do Patrimonio Documental. No
que se refire ao primeiro deles, asegurou que se trata da pedra angular da
administración electrónica, posto que permitirá eliminar o papel na
Administración e xestionar e conservar con todas as garantÃas de seguridade e
dispoñibilidade a documentación dixital durante todo o ciclo de vida
administrativa.
Sinalou que é clave tamén para a interconexión dos servizos autonómicos cos
servizos locais, e que o Centro de Proceso de Datos do Gaiás será o nodo de
custodia de toda a información do arquivo Dixital e desde onde se prestará
servizo de aloxamento documental ás entidades locais da Comunidade Autónoma.
Por outra banda, o Arquivo Electrónico do Patrimonio Documental de Galicia comezará
coa dixitalización de 50.000 documentos dos Arquivos do Reino de Galicia, do
Arquivo Histórico Provincial de Ourense e do Municipal do Concello de Tui.