O CDTIC acolle un seminario sobre seguridade móbil
mércores, 30 de marzo do 2016
O Centro Demostrador TIC organiza o dÃa 7 de abril o seminario Están seguros os meus datos no móbil?, que se impartirá nas súas
instalacións en horario de 16:00 a 19:00 horas e será retransmitido por
videoconferencia a través da Rede CeMIT. Ao logo da sesión, farase unha
revisión das diferentes ameazas, os riscos e os mecanismos de control útiles
para facer un uso o máis seguro posible dos dispositivos móbiles no ámbito da
empresa.
Este seminario está especialmente deseñado para persoas
usuarias de dispositivos móbiles no ámbito empresarial que desexen coñecer os
riscos e as ameazas de seguridade aos que se expoñen, asà como aprender
prácticas e mecanismos de control que permitan identificalos, acoutalos e
cuantificalos. O encargado de impartir a xornada será Marcos Lois Bermúdez,
técnico especialista en electrónica industrial e cofundador e director da
empresa de desenvolvemento de software TeraTIC.
Para asistir presencialmente a esta actividade en Santiago
cómpre inscribirse a través do teléfono 881 995 200 ou no enderezo electrónico
cdtic@xunta.es. A asistencia é de balde e aÃnda é posible anotarse para
asistir, xa que as prazas, polo momento, non están cubertas.
Para aquelas persoas que non podan desprazarse a Santiago, o
seminario será retransmitido por videoconferencia nas aulas CeMIT de Barreiros,
A Cañiza, Celanova, Leiro, Monforte de Lemos, Ourense, Padrón, Pontedeume,
Pontevedra, Porriño, Valga, O Vicedo, Vilanova de Arousa e Xunqueira de AmbÃa.
A inscrición para asistir baixo esta modalidade debe realizarse a través da páxina web da Rede CeMIT.