O CITIC aposta pola tecnoloxía LIDAR en dous dos seus proxectos recentes
martes, 28 de outubro do 2014
O
Centro de Investigación en Tecnoloxías da Información e as
Comunicacións (CITIC),
centro emprazado na Universidade da Coruña, está a desenvolver dous
proxectos baseados na tecnoloxía LiDAR –Light
Detection and Ranging-,
unha tecnoloxía que está a revolucionar o mundo industrial e da
construción. LiDAR, informa o CITIC, significa detección e medición
a través da luz e permite determinar a distancia dende un emisor
láser a un obxecto ou superficie mediante pulsos de láser, de tal
maneira que podan reproducirse nun mapa.
O
resultado dun proceso LiDAR? Denomínase “nube de puntos” do
terreo escaneado, creando una representación tridimensional do mesmo
mediante decenas de miles de puntos por segundo. Trátase dunha base
de datos de vértices nun sistema de coordenadas tridimensional, e os
devanditos vértices representan puntos das superficies dos obxectos
escaneados que poden levar ademais outra información asociada, como
as cores ou o índice de reflectividade. O número de puntos que unha
desas bases pode acubillar rolda as decenas, centos ou incluso miles
de millóns. É certo que os datos individuais teñen unha estrutura
matemática sinxela -simples puntos no espacio sen topoloxía
algunha- mais semellante cantidade de información constitúe todo un
reto no seu tratamento.
Malia
o enorme potencial desta tecnoloxía para facer fronte a proxectos de
enxeñaría, a súa aplicación práctica na realidade enfróntase á
carencia de ferramentas específicas que poidan manexar semellante
cantidade de datos.
Como
dixemos, o CITIC da Coruña desenvolve os proxectos baseados nesta
tecnoloxía que está a revolucionar o mundo industrial e da
construción.
O
primeiro é ToVIAS, acrónimo de
Topographic Visualization, Interaction and Analysis System,
un sistema desenvolvido en colaboración ca empresa de consultoría
técnica Enmacosa S.A. e a Universidade da Coruña. Trátase dunha
iniciativa de I+D+i financiada polo Centro para o Desenvolvemento
Tecnolóxico Industrial (CDTI) e fondos FEDER, que se dirixe a xerar
o coñecemento e as ferramentas precisas para traballar con datos
topográficos 3D, extraidos con escáner láser, e aplicados ao eido
da enxeñería.
O
principal obxectivo de ToVIAS é crear unha ferramenta
na que os datos masivos de nubes de puntos se integren no sector da
enxeñaría, sendo así un piar
fundamental para que os proxectos máis complexos cheguen a bo porto.
Desta maneira, poderán ofrecerse servizos máis fiables completos e
complexos, a un custe menor, incrementando enormemente a
produtividade. Estas condicións repercutirán positivamente en
proxectos de enxeñaría civil, do sector forestal, do sector da
enxeñería industrial ou o de patrimonio e edificación.
Dentro
dos obxectivos específicos de ToVIAS atópase, entre outros, o de
desenvolver una metodoloxía estándar para a “captura
da realidade” en iniciativas de
enxeñería con tecnoloxía LIDAR terrestre e fomentar novas liñas
de negocio que aumenten a produtividade e a competitividade no ámbito
nacional e internacional.
O
desenvolvemento de ToVIAS fundaméntase na Topografía, Deseño
Asistido por Ordenador CAD), Sistemas de Información Xeográfica
(GIS), Fotogrametría terrestre e LIDAR. Tralo proxecto atópase un
grupo de investigación do CITIC, neste caso o grupo RNASA, acrónimo
de Redes de Neuronas Artificiais e Sistemas Adaptativos.
Juan R. Rabuñal Dopico, un dos
investigadores principais do grupo, encargado do desenvolvemento
software de ToVIAS, sinala que “unha
das vantaxes competitivas de ToVIAS é a súa capacidade para
visualizar os datos dunha maneira case instantánea”.
O
segundo dos proxectos chámase VGLIDAR,
un visualizador de datos LIDAR no que
se está a desenvolver una aplicación web multiplataforma –apta
para
tabletas, ordenadores ou móbiles–
que permite a visualización e interpretación a través de datos
LIDAR.
“Unha das características deste proxecto é a visualización en
tempo real e interactiva, permitindo navegar por unha realidade
aumentada, de grandes terreos, polo que se está desenvolvendo con
WebGL”, apunta
Margarita Amor López, investigadora
do grupo GAC, acrónimo de Grupo de Arquitectura de Computadores.
O
proxecto VGLIDAR foi inicialmente concibido para ser aplicado ao
ámbito da enxeñaría agrónoma. Porén, informa o CITIC, a súa
aplicación podería chegar até as Smart
Cities. Inclúe ademais
xeolocalización, cálculo e visualización dos datos de acordo a
diferentes propiedades, realidade aumentada –é dicir, integrar os
datos LiDAR co que se está vendo nese intre- ou medir xeometrías
marcadas polo usuario sobre esa imaxe, tales como alturas, traxectos,
áreas ou volumes.