O Campus de Ferrol acolle esta semana as Xornadas sobre Intelixencia Artificial
mércores, 9 de marzo do 2016
Este 10 de marzo comezan
no Campus de Ferrol as Xornadas sobre Intelixencia Artificial e
sociedade contemporánea englobadas no marco das XXI Xornadas de
filosofía e metodoloxía actual da ciencia. O punto de arranque
será a inauguración, ás 9.45 horas, no salón de actos do Campus e
contándose coa presenza do reitor da Universidade da Coruña, Julio
Abalde. Ao seu carón, estarán Juan Penabad, deputado provincial na
Deputación da Coruña, Suso Basterrechea, concelleiro de Cultura,
Ensinanza e Universidade do Concello de Ferrol e Wenceslao J.
González, coordinador das xornadas e profesor na Facultade de
Humanidades.
As xornadas desenvolverase durante os
días 10 e 11 de marzo, contando coa presenza de varios
conferenciantes expertos no tema. Na organización atópase a Área de
Lóxica e Filosofía da Ciencia da Universidade da Coruña co apoio
da Sociedade de Lóxica, Metodoloxía e Filosofía da Ciencia en
España. O congreso celébrase baixo o seguinte epígrafe:
Intelixencia
Artificial e sociedade contemporánea. O cometido da información.
O principal relator será Luciano Floridi, catedrático na
Universidade de Oxford e director de investigación do Oxford
Internet Institute, amais de ser coñecido nos ámbitos da reflexión
dixital como “o filósofo de Google”. Segundo informa a UDC,
trátase dunha figura de referencia internacional en todo o tema de
Filosofía da Información, experto en caracterización da
información e a súa relación con aspectos éticos. Desde 2009
ocupa a Cátedra de UNESCO de Information and Computer Ethics. Entre
os seus libros publicados por Oxford University Press figuran The
Philosophy of Information (2011);The Ethics of Information
(2013); e The Fourth Revolution - How the infosphere is
reshaping human reality (2014).
Outros relatores convidados
son Javier Echeverría, investigador no Centro de Innovación Social
da Universidade do País Vasco; Giuseppe Primiero, catedrático de
Computing Science na Universidade de Middlesex (Londres);
Mark Priestley, investigador, asociado ao Departamento de Estudos de
Ciencia e Tecnoloxía do University College London; e
Enrique Alonso, profesor Titular de Lóxica e Filosofía da Ciencia
(Universidade Autónoma de Madrid). Ademais, presentarán unha
comunicación outros dous especialistas internacionais: Patrick Allo
(Universidad Libre de Bruselas) e Stefan Schubert (Consello Sueco de
Investigación, actualmente en Oxford).
Programa
Xoves 10 de marzo
10:00h. Hiperhistoria, o xurdimento
de sistemas de multitanxentes (SMAs) e o deseño da infraética.
Luciano Floridi, catedrático da Universidade de Oxford, director de
investigación do Oxford Internet Institut.
12:00h. Sociedades artificiais e
innovación. Javier Echeverría, catedrático da Universidade do País
Vasco, investigador no Centro de Innovación Social da Universidade
do País Vasco.
17:00h. A Historia de ENIAC en tres
programas. Mark Priestley, investigador asociado ó departamento de
Estudos de Ciencia e Tecnoloxía do University College London.
19:00h. Situación actual da
Intelixencia Artificial e perspectivas de futuro. Mesa redonda na
que participarán Luciano Floridi, Javier Echeverría, Giuseppe
Primiero e Mark Priestley.