O Grupo de Programadores e Usuarios de Linux colabora co Google I/O dende a FIC
xoves, 21 de maio do 2015
O Grupo
de Programadores e Usuarios de Linux, en colaboración co Google
Developers Group, organiza unhas actividades na Facultade de
Informática da Universidade da Coruña, no Campus de Elviña, con
motivo do evento que organiza Google anualmente, o Google
I/O. O GPUL retransmitirá varias charlas en streaming e
realizará diversos obradoiros ao redor do evento con tecnoloxías
relacionadas. A actividade dividirase en dúas xornadas: o xoves, 28
de maio, en horario de 17:00 a 23:00 horas; e o venres, 29 de maio
entre as 10:00 e as 15:00 horas.
Segundo informa GPUL, “o primeiro día imos ver a
keynote en directo, faremos un hackathon para
desenvolver aplicacións móbiles para o Escornabot
e veremos outras charlas sobre Google TV, Android Wear, etc”. O
segundo día seleccionaranse faladoiros diversos sobre estas cuestións para
comentalas xunto con outros obradoiros e eventos.
Lembrar que o Google I/O é un congreso de
desenvolvedores web que organiza cada ano Google, para presentar e
discutir as aplicacións web dea compañía e as tecnoloxías abertas
de Internet. Este será xa a súa sétima edición.
- Como adianto da presentación principal do Google I/O celebrarase unha hackaton de aplicacións móbiles para o Escornabot