O MOBA Vainglory estrea versión para Android

Os xogos tipo MOBA están a gozar de grande aceptación en dispositivos móbiles, como está a demostrar Super Evil Megacorp (estudio que conta con desenvolvedores que antes traballaban en Riot E Blizzard) co seu Vainglory, título que ten preto dun millón e medio de usuarios activos ao mes na súa versión para iOS (que amosouse ao público durante a conferencia de presentación do iPhone 6 para amosar a potencia de Metal) e finalmente este xogo que permite botar trepidantes partidas de 20 minutos chega a Android, polo que é de agardar que medre aínda máis o seu número de usuarios en liña.
Estamos ante un xogo con gráficos moi detallados, capaz de mover 60 imaxes por segundo, cunha grande variedade de builds de obxectos para cada heroe, con fases de loita no camiño, toma de obxectivos e loita en equipo, poder xuntarse con amigos para xogar en liña ou seguir partidas alleas en modo espectador e numerosas actualizacións, demostrando que é posible que un dispositivo táctil teña un MOBA á altura dos títulos do xénero que podemos ver en ordenadores persoais.