O Portal de Interoperabilidade da Xunta incorpora os permisos para exercer a actividade pesqueira e marisqueira
luns, 30 de maio do 2016
A Xunta vén de incorporar ao seu Portal de
Interoperabilidade pasaXe! un novo certificado, o permiso para exercer a
actividade pesqueira e marisqueira, permex.
AsÃ, os máis de 3.700 galegos que dispoñen deste documento acreditativo xa non
terán que presentalo naqueles trámites administrativos de calquera
administración pública que os requiran. A
integración destes novos servizos formalizouse coa sinatura dun convenio
entre a conselleira do Mar, Rosa Quintana e a directora da AMTEGA, Mar Pereira.
Pasaxe! é a plataforma tecnolóxica que permite o intercambio de información
entre as administracións, evitando ao cidadán achegar documentación que xa obra
en poder delas. Ademais, reduce a documentación necesaria para xestionar un
expediente e unifica nun único punto as relacións con outras administracións.
No último ano, Pasaxe! evitou a petición de máis de 1,8 millóns de documentos
ou certificados a cidadáns e empresas para a realización de trámites administrativos.
Con esta nova incorporación, pasaXe! permite consultar 36 tipos de certificados
como o de identidade, dependencia, a renda, datos catastrais, estar ao corrente
do pagamento das obrigas tributarias, datos catastrais, tÃtulos universitarios,
certificados de nacemento, matrimonio ou defunción ou a alta na Seguridade
Social, entre outros. Son documentos achegados por 14 entidades distintas,
incluÃndo a propia Xunta (Ministerios de Educación, Facenda e Administracións Públicas,
Dirección Xeral de PolicÃa, Instituto Nacional da Seguridade Social....) e a
Comunidade autónoma de Navarra.