O concurso de aplicacións de software libre de Chuza! afronta a súa recta final con tres proxectos
martes, 21 de outubro do 2014
Finalmente rematou o
prazo para presentarmos propostas ao primeiro
concurso de aplicacións de software libre da comunidade Chuza!,
unha actividade desenvolvida en colaboración co Grupo de
Programadores e Usuarios de Linux (GPUL) e co obxectivo de contribuÃr
por unha banda á evolución da propia páxina da comunidade e, pola
outra, á rede de ferramentas informáticas libres das que podemos
botar man na nosa lingua. Pois ben, segundo contan os organizadores
do certame, competirán na recta final do concurso tres
interesantes e innovadores proxectos. O premio final é de 250
euros.
Por un lado temos a
achega de Iago Veloso Abalo, que presentou RadioCo,
un sistema de gravación automática da emisión en directo dunha
emisora de radio comunitaria. RadioCo, conta a organización e
reflicte Praza.com,
xurdiu como un proxecto de fin de carreira e xa foi probado por
CuacFM. O sistema grava e publica de xeito automático os programas
en formato podcast posibilitando a subscrición e a
reprodución de audio directamente dende un navegador web. Por outra
banda, Damián Aragunde Pérez participa con Ok-Oh,
unha ferramenta de axuda á audición mediante o uso de dispositivos
móbiles, nomeadamente smartphones. A maiores, temos a
proposta de Vreixo LuÃs González Caneda, OpenTripPlanner
for Android, unha aplicación de cálculo de rutas en
transporte público, a pé ou en bicicleta, a partir de bases de
datos e mapas en formatos abertos, ofrecendo información sobre
horarios de autobús e tren, ou da situación dos puntos de aluguer
de bicicletas.