Ocean´s optimiza o seu catálogo de verán con novos e variados terminais
mércores, 23 de xullo do 2014
A operadora galega
Ocean´s non marcha nin moito menos de vacacións e vén de anunciar
unha nova ampliación no seu catálogo de terminais móbiles para
este verán no que xa estamos mergullados de cheo. As novas
incorporacións para esta tempada, presentes
xa na recentemente remodelada web da compañía, son varios
dispositivos móbiles, un total de once, que abranguen dende o
sinxelo e o nivel máis práctico de uso até o chanzo máis elevado
de sofistificación e vangarda tecnolóxica.
Podemos acceder a eles co
produto de converxencia Ocean´s ou ben combinalos con diferentes
tarifas para particulares e empresas.
Segundo informa a
operadora, as posibilidades son múltiples. Así, se somos seareiros
da simplicidade e preferimos un teléfono sobrio que nos permita
comunicarnos cos demais, sen renunciar á garantía que ofrece un
primeiro fabricante, Ocean´s achéganos o novo Nokia X ou ben o
Motorola Moto G, “un teléfono este último que salientou pola súa
asombrosa relación calidade-prezo, converténdose na sensación da
tempada”, explica a compañía galega. O catálogo compleméntase
coa incorporación de aparellos de gama media, como por exemplo o
Huawei Ascend P2, e con smartphones de gama alta, é o caso do
Samsung Galaxy S5 e o Sony Xperia Z2.
Os once dispositivos que
Ocean´s inclúe no seu catálogo son os seguintes: Huawei Ascend
E530, Huawei Ascend P2, Samsung Galaxy Trend Plus, Samsung Galaxy
Note 3 32GB, Samsung Galaxy S5, Sony Xperia Z2, Sony Xperia M2, Nokia
X, Nokia Lumia 630, Motorola Moto G e LG G3 16GB.