Ordes lanza nova aplicación municipal
luns, 23 de xaneiro do 2017
O Concello
de Ordes vén de lanzar oficialmente a súa nova aplicación móbil
municipal. Segundo informou a equipa de Goberno ordense, trátase
dunha ferramenta que salienta “pola súa funcionalidade e a súa
facilidade de manexo”, e tamén “por un atractivo deseño visual
baseado en fotografías de gran calidade”. Asemade, achega unha
sección de incidencias onde os veciños poden comunicar calquera
circunstancia que deba ser compartida cos equipos municipais,
complementando estes avisos con fotografías e con información sobre
os emprazamentos orixe das incidencias, co fin de facer máis doada a
súa localización. O Concello
de Ordes vén de lanzar oficialmente a súa nova aplicación móbil
municipal. Segundo informou a equipa de Goberno ordense, trátase
dunha ferramenta que salienta “pola súa funcionalidade e a súa
facilidade de manexo”, e tamén “por un atractivo deseño visual
baseado en fotografías de gran calidade”. Asemade, achega unha
sección de incidencias onde os veciños poden comunicar calquera
circunstancia que deba ser compartida cos equipos municipais,
complementando estes avisos con fotografías e con información sobre
os emprazamentos orixe das incidencias, co fin de facer máis doada a
súa localización.
A app tamén posibilita o envío de
consultas e a recepción de avisos por parte do Concello “mediante
notificacións push”. Asemade, fornece información
relacionada co municipio e as súas parroquias, subministra datos de
actualidade sobre o concello a través da sección de novas e enlaza
aos internautas directamente con Radio Ordes en directo.
Na sección turística subminístrase información
sobre hostalería, restauración e puntos de interese (roteiros,
cultura, celebracións) para visitantes e veciñanza.. A axenda da
aplicación permite consultar todos os actos e citas importantes de
diversa índole que se dean no termo municipal, “coa posibilidade
de integralos de maneira doada nas nosas axendas persoais dixitais”,
informou o Concello, engadindo que tamén se presentan os datos
meteorolóxicos da xornada vixente, directorios telefónicos,
enderezos e localizacións de servizos, corpos de seguridade e de
saúde, horarios de autobuses, obituarios e mesmamente as farmacias e
servizos de garda. A ferramenta está dispoñíbel para Android e, en
breve, para sistemas iOS. Está financiada na súa integridade pola
Deputación da Coruña.
- Imaxes da aplicación para Android