Os clientes de Vodafone TV poderían gozar de 6 meses de Netflix de balde

venres, 9 de outubro do 2015 Marcus Fernández

A chegada de Netflix a España o vindeiro día 20 aínda está chea de incógnitas, pois a compañía non amosará as súas cartas até o último momento, pero tras comentarse os prezos que terá o servizo, chegan comentarios sobre as súas promocións de lanzamento, que comezarían coa oferta de un mes de servizo de balde como xeito de animar aos usuarios a probar esta plataforma de vídeo baixo demanda, que no caso de Vodafone TV podería chegar aínda máis aló, e aseguran que para compensar a ausencia de Canal+ Series na oferta do operador británico, apostará por Netflix como grande alternativa e, para deixalo moi claro, ofrecería 6 meses de servizo de balde para os seus clientes. A partires do período de probas os clientes de Vodafone pagarían cada mes o mesmo que o resto de subscritores.

PUBLICIDADE