Os gamertag de Xbox LIVE caducarán aos 5 anos
martes, 26 de xullo do 2016
Buscar un nome de usuario curto e atractivo tende a ser cada
vez máis complicado en calquera servizo en liña, xa que a meirande parte dos
nomes están collidos cando un quere darse de alta, pese a que en moitos casos
están xa fóra de uso, e para evitar tal problema dende Microsoft fixeron hai
pouco unha limpa de gamertags, liberando
aproximadamente un millón de nomes de usuario do servizo Xbox LIVE, e agora
deixan clara a súa polÃtica ao respecto actualizando
o contrato de servizos de Microsoft, onde agora figura como requisito ter
que iniciar sesión nos servizos de Xbox unha vez como mÃnimo cada 5 anos para
manter o gamertag asociado á conta de
Microsoft.
Esta medida fará que sexa máis doado que haxa nomes de usuario dispoñibles ante
altas e cambios de nome no servizo en liña que tamén está a mellorar a súa
seguridade (bloqueando o acceso a certos contidos ante sospeitas de que a conta
do usuario estivese comprometida).
Outro detalle a salientar é que no Código de Conduta engadiron a prohibición
sobre a publicación de contido de carácter terrorista, aÃnda que trátase
simplemente dunha matización, pois resulta evidente que nunca se aceptou tal
contido, como tamén acontece cos insultos, as ameazas racistas ou o apoio á
violencia cara a outras persoas.