Os usuarios Gold de Xbox LIVE poden descargar de balde Splosion Man
luns, 19 de setembro do 2016
Os usuarios Gold de Xbox LIVE reciben
este mes os xogos Earthlock: Festival of
Magic e Assassin’s Creed Chronicles:
China para Xbox One e Forza Horizon e
Mirror’s Edge para Xbox 360, conformando
asà unha das mellores seleccións de xogos para un mes ordinario (xa que os pratos fortes tenden a chegar no contorno da
feira E3 e na campaña de Nadal) que vén de mellorar por sorpresa, xa que, de
xeito inesperado, o xogo Splosion
Man de Xbox 360 (retrocompatible con Xbox One), valorado en 9,49 euros,
está a ofrecerse actualmente de balde para usuarios Gold, permitindo asà gozar
dun dos xogos independentes máis divertidos e orixinais da anterior xeración de
consolas.
Splosion Man é un xogo de plataformas
de dúas dimensións e media desenvolvido por Twisted Pixel Games e estreado en
2009 para Xbox 360, que permite controlar a un home explosivo na súa fuxida dun centro de experimentación
cientÃfica facendo uso da súa habilidade de explotar repetidamente.
Este xogo descargable é un dos máis lembrados e de máis éxito en Xbox LIVE
Arcade, acumulando
preto de medio millón de descargas, que agora serán amplamente superadas ao
ofrecerse sen custo adicional aos subscritores Gold, que de quedar con ganas de
máis sempre poderán achegarse á súa secuela, Ms.
Splosion Man, con outros 50 niveis novos a superar, e que pode considerarse
tamén como unha homenaxe a un videoxogo clásico (Ms. Pac-Man, unha versión norteamericana do clásico Pac-Man que tras o seu éxito foi aceptada por Namco).
- Splosion Man é un orixinal xogo de plataformas 2.5D