PolÃtica LingüÃstica estrea unha ferramenta en liña para preparar as probas do Celga 1
luns, 6 de setembro do 2010
A SecretarÃa
Xeral de PolÃtica LingüÃstica, que nos últimos tempos está a facer unha aposta
firme por introducir as novas tecnoloxÃas e Internet en todo o que ten que ver
co noso idioma, vén de estrear (na pasada fin de semana) o primeiro curso en
liña preparatorio para as probas de certificación de lÃngua galega do nivel 1,
que facilita a participación das persoas interesadas sen ter que desprazarse
dos seus fogares ou entornos de traballo máis do estrictamente necesario.
En total,
segundo informan dende o organismo, nesta primeira convocatoria do Celga 1 en
liña ofértanse tres cursos de modalidade semipresencial, de 35 alumnos cada un.
Estes cursos contan con catro clases presenciais voluntarias (un total de 11
horas), que terán lugar na Escola Galega de Administración Pública, en Santiago
de Compostela.
Asemade, para a
xente de fóra de Galicia, a convocatoria conta cunha modalidade non
semipresencial, na que están inscritas 50 persoas.
Este curso, na
súa modalidade en liña, está conformado por 10 temas, cada un dos cales se
corresponde cunha área temática comunicativa, e consta dunhas 50 actividades,
entre elas, escoitar unha conversa e arrastrar a frase correcta ata a súa
posición no diálogo, emparellar elementos, encher ocos, elixir a resposta
correcta entre varias suxestións ou escoitar unha palabra gravada e usar o
micrófono para tratar de reproducila.
Este novo
sistema de aprendizaxe, que se enmarca no Plan xeral de normalización da lingua
galega do departamento que dirixe Anxo Lorenzo, constitúe unha aposta decidida por
darlle facilidades ao amplo sector da poboación adulta que desexa adquirir ou
mellorar a súa competencia en galego.
Os catro cursos
do Celga 1 en liña, nos que están matriculadas 150 persoas, prolongaranse ata o
vindeiro 12 de novembro.