Presentan en Arteixo un hub tecnolóxico que verá a luz tras o verán
luns, 21 de xullo do 2014
- Miguel Lorenzo Rodríguez explicou estar tarde as aspiracións de Tech Factory
Esta
tarde presentouse no espazo de coworking 15142 de Arteixo o
proxecto que está a nacer da colaboración dos usuarios desas instalacións, que
buscará consolidarse como empresa á volta do verán e que levará por nome Tech Factory. Esta iniciativa
empresarial aglutina os talentos detrás de proxectos xa existentes, como son a plataforma de recrutamento CVgeek, a ferramenta de xestión empresarial Up
Soluciones e un Language
Lab, que concéntranse neste futuro hub
tecnolóxico que impulsará iniciativas empresariais ligadas ao sector
tecnolóxico.
Tech Factory potenciará tanto iniciativas empresariais xurdidas do propio hubou alleas (desenvolvidas por outros
emprendedores) xa que non estamos ante un modelo de empresa tradicional, senón
que buscará dar resposta á conxuntura empresarial actual, servindo de punto de
encontro para emprendedores, profesionais, empresas e investidores, podendo
ofrecer oportunidades de negocio a todos os participantes.
- Os promotores do proxecto deron conta das súas posibilidades a potenciais colaboradores
Este proxecto nace da colaboración do consultor
de xestión empresarial Miguel Lorenzo Rodríguez, o avogado David Romero
Vilar, o experto en recursos humanos Andy Romero e a consultora Anna
Singer, xunto con moitos outros profesionais que contribúen ao proxecto en
distinta medida, xa que esta iniciativa busca ser flexible no que se refire á
mobilización de recursos á hora de cumprir coas necesidades que demanden os
seus clientes (recorrendo a produtos tanto internos como externos). A este
respecto, Miguel Lorenzo Rodríguez detallou que “abrimos a posibilidade de que
calquera persoa que poida estar vencellada co sector, en calquera das súas
vertentes, poida participar en proxectos que se vaian desenvolver dentro do hub”.
Rodríguez tamén insistiu en que Tech Factory está orientada aos beneficios,
como toda iniciativa empresarial, polo que buscarán ofrecerse a outras empresas
para atender as súas demandas tecnolóxicas, ou sexa, que buscan crear
tecnoloxía que teña aplicacións prácticas. Temos así que Tech Factory “vai se
unha sorte de contedor que vai coller ideas e proxectos e lanzalos como
empresa, para que funcionen e sexan rendibles. Sempre dende o punto de vista de
que o que participe poida ter un negocio e non traballe sobre expectativas futuras”.
- Tech Factory nace da colaboración de varios usuarios do espazo de coworking 15142 de Arteixo