Proseguen as xornadas sobre simulación e Industria 4.0 impulsadas por GAIN, CESGA e CIS Galicia
luns, 16 de xaneiro do 2017
A
cita en Ferrol sobre cómputo e simulación, celebrada
o pasado 1 de decembro na sede de CIS Galicia, está a ter
continuidade en diferentes recantos da nosa terra ao longo deste mes
de xaneiro e, tamén, de febreiro. Asà nolo contan os organizadores
(GAIN, CESGA e CIS Galicia), recalcando que se trata dunha xira
informativa con profesionais e PEME dirixida a amosar as
posibilidades do cálculo avanzado para atoparmos xeitos de sermos
máis rendÃbeis, áxiles, eficaces e sustentábeis nos procesos de
produción.
Estas
Xornadas de
Divulgación Tecnolóxica: Modelado, Simulación e Big Data a
Industria 4.0 comezaron en Ferrol o 1 de decembro, proseguiron
logo na Tecnópole (Ourense) e en Lugo (Confederación de Empresarios
de Lugo) e terán continuidade o 25 de xaneiro en Porriño, no Centro
Aimen de Aplicacións Láser. Máis tarde, chegarán a Bergondo
(Asociación de Empresarios local, o 9 de febreiro) e a Santiago
(Centro de Novas TecnoloxÃas, o 23 de febreiro).
Como
dixemos, o gran obxectivo da xira é visualizar perante as nosas
empresas as vantaxes da computación avanzada, recurso clave para
afrontar retos concretos en materia de eficiencia, competitividade e
rendiblidade. As xornadas son moi acaidas para empresas de
enxeñarÃa, industria e auxiliares. Nun plano máis concreto, serven
para amosar os servizos para o impulso da computación nas PEME do
Centro de Supercomputación de Galicia (CESGA), da Axencia Galega de
Innovación e de CIS Galicia.
Tamén se vai dar a coñecer o
servizo Xeración de Modelos de Simulación Industrial de
Reacciona TIC, impulsado polo IGAPE e a axencia AMTEGA para optimizar
a capacidade competitiva do tecido empresarial. Asemade, falarase da
simulación numérica, da análise de datos e dos seus beneficios
para as PEME, de computación de alto rendemento (HPC, High
Performance Computing), das tecnoloxÃas que se requiren para
implantar as novas solucións e de casos de éxito na aplicación e
integración daquelas en empresas da nosa contorna.
As xornadas
veñen da man da Axencia Galega de Innovación (GAIN) e contan coa
colaboración de CIS Galicia e o CESGA.