Pulo á tenda en liña de negocios de Lugo posta en marcha pola Deputación
venres, 1 de xuño do 2012
O comercio electrónico ten potencial para
compensarnos por todas aquelas cousas que a crise, unha a unha, vai botando
abaixo. En parte porque multiplica as dimensións do noso mercado, en parte
porque permite aforros importantes en infraestruturas de venda directa e en parte
porque permite a optimización do gasto no transporte e a distribución. Coller
un pouco disto e algo máis é o obxectivo dunha páxina web galega que naceu xa
hai un ano con vontade de converterse no centro comercial en liña da provincia
de Lugo: losproductosdelugo.com.
O servizo de ecommerce, que ofrece versións en galego e castelán, veu da man da Deputación de Lugo, a
través do seu programa Innóvate e de Inludes, e foi creado hai un ano co
obxectivo de tirarlle proveito á Rede como escaparate para a promoción dos
negocios da provincia, tal
e como se nos recorda hoxe na Rede.
Agora volve estar de actualidade por dous
motivos fundamentais: polo seu primeiro aniversario e, tamén, polo importante
repunte de actividade que está a experimentar nas últimas semanas, cun bo número
de establecementos adherÃndose ao portal, que foi posÃbel grazas a un convenio
asinado co Ministerio de Medio Ambiente. Por certo que entre as incorporacións
atopamos negocios emprazados nunha das áreas da provincia que os responsábeis do
portal sinalaron no seu dÃa (na orixe deste proxecto) como prioritaria de acción
desenvolvedora. Falamos da comarca dos Ancares (coa casa de turismo rural Campa
da Braña, de Cervantes, e o Hotel Urogallo, das Nogais).