R reforza o seu servizo de correo para achegar a máxima seguridade en tódolos trebellos

O operador galego R anunciou a semana pasada novas funcionalidades no seu servizo de correo electrónico de cara a fornecer aos usuarios da máxima seguridade. O servizo, que se pode usar no computador e nos dispositivos móbiles (segundo apunta a empresa, unha das grandes novidades é que se abranguen tódolos tipos de dispositivos), incorpora ao seu abeiro un sistema automático que protexe ao usuario de virus e máis do correo lixo, spam. Ademais, esta protección pódese personalizar dende a web de clientes.
É dicir, podemos dicirlle ao sistema que nos elimine directamente aquilo que se detecte como virus ou correo lixe ou ben que nolo sinale para logo examinalo e ver de quen vén ou cales poderían ser as súas intencións. O mesmo interese pola seguridade tamén é aplicábel, sinala a operadora galega, ao envío de correos. Esta función, por certo, tamén se pode configurar para o subministro de mails sexa cifrado, tanto á hora de envialos como de recibilos. En caso de andarmos estes días de festexos de Semana Santa polo mundo adiante, a empresa tamén nos lembra que podemos empregar a función destinada á autentificación dos correos, “para poder envialos sen problema e con seguridade”. O servizo na súa totalidade está dispoñíbel para computador e tamén para os móbilR con iOS ou Android. Amais de todo disto, e para quen toda medida de seguridade nunca é de abondo, lembrar que está ao alcance da man seguridade R, un paquete de seguridade que se pode ter activo en ata 3 equipos e que se actualiza de xeito automático, polo que estará ao tanto dos posíbeis perigos e incidencias mesmo antes de que acontezan.