Radiohead agóchase na Rede
martes, 3 de maio do 2016
Durante a pasada fin de semana a formación musical Radiohead
eliminou a súa presenza na Rede, de xeito que a súa páxina web pasou a estar
completamente en branco e os seus chíos en Twitter e as súas anotacións en
Facebook tamén forno desaparecendo, pasando tamén as súas fotografías de perfil
en branco, o que parece un curioso xeito de chamar a atención de cara ao seu
novo lanzamento, do que hai
poucas horas publicaron un orixinal adianto en Instagram, cun breve vídeo dun
paxaro cantando, o que podería ser un fragmento do primeiro vídeo musical
do seu vindeiro álbum de estudio.
Radiohead tamén fixera unha orixinal campaña na Rede para lanzar os seus
anteriores discos, e dado que está previsto que este mesmo mes inicien unha
nova xira mundial todo apunta a unha nova estratexia promocional que está a
conseguir bastante impacto nas redes sociais (co seu conseguinte eco en medios
tradicionais).
ACTUALIZACÍÓN: Finalmente Radiohead publicou o vídeo musical de Burn The Witch:
Tema dispoñible para a súa compra en iTunes e que tamén pode escoitarse a través de Spotify e Apple Music.