Skype mudará as súas notificacións para que resulten menos molestas
mércores, 20 de agosto do 2014
Un dos principais problemas que experimentan historicamente
os usuarios de Skype de cara a empregar tal ferramenta como algo máis que unha
plataforma de videoconferencia é que, á hora de usar a aplicación para a
mensaxerÃa instantánea e empregar distintos dispositivos resulta realmente
molesto ver como todos os dispositivos á vez non paran de pitar a cada
notificación, converténdose nunha seria molestia, o que levou aos seus
responsables a pór mans no asunto. Deste xeito, tras traballar na
sincronización das mensaxes lidas dende múltiples dispositivos están xa a
aplicar os cambios que fagan posible recibir
só notificacións de chat no dispositivo que estamos a empregar en cada momento.
Cando un usuario estea identificado, por exemplo, nun tablet, un portátil e un
smartphone, e mande unha mensaxe a un grupo de amigos dende o tablet, recibirá
as notificacións de resposta só neste último dispositivo, de xeito que o resto
de trebellos permanecerán en silencio, evitando o escándalo de sinais sonoras
que despistaban enormemente da conversa en curso. Cando o usuario deixe de
empregar activamente Skype nun dos dispositivos, volverá a recibir as
notificacións en todos os trebellos, evitando asà que se perda algunha mensaxe
importante.
Estes cambios están xa a aplicarse nos sistemas de Skype, de xeito que en
poucas semanas estarán operativas, sendo preciso contar coas últimas versións
de aplicación para poder gozar desta nova prestación.