Street Fighter V terá unha edición limitada para PS4
luns, 23 de novembro do 2015
Capcom
informou hoxe aos medios de comunicación que o vindeiro 16 de febreiro o xogo Street
Fighter V para PlayStation 4 vai contar en Europa cunha edición
limitada Day One Steelbook, ou sexa,
unha edición de lanzamento con caixa metálica, que será toda unha peza de
colección. A caixa do xogo presenta a Ryu na súa portada e o icónico escenario
de China no seu interior, e nas vindeiras semanas detallarán as canles de
comercialización e os prezos que terá esta edición especial do xogo.
Street Fighter V pretende iniciar o
ano que vén toda unha nova xeración de xogos de loita, destacando polo feito de
que contará con versións para PC e PS4 que non serán independentes, senón que
os xogadores dunha plataforma poderán enfrontarse en liña cos da outra, creando
unha situación sen precedentes a nivel de competición.
- A caixa metálica de Street Fighter V busca ser toda unha peza de colección
TraÃler de Street Fighter V no que presentan a Dhalsim