Telefónica duplica beneficio no primeiro semestre do ano
xoves, 30 de xullo do 2015
Son días de
presentacións de contas e de novidades importantes entre as
operadoras e as asociacións de usuarios dos seus servizos, que
tamén. Este
martes é a quenda de Telefónica, que amosou os seus números
relativos á primeira metade de 2015. Alén da maré de cifras do
informe e como conclusión máis ou menos definitiva albíscase unha
situación de meirande estabilidade no relativo aos ingresos. O dato
principal, con todo,
é que o beneficio da operadora duplicouse entre xaneiro e xullo até
os 3.693 millóns de euros, estendéndose a previsión de medre
para o conxunto do ano. No segundo trimestre os beneficios foron de
2.966 millóns.
No que atinxe á fibra,
un dos principais motores deste avance (o maior dos dados no último
lustro), Telefónica conta xa con 1,7 millóns de clientes. Segundo
informa a compañía, as cifras neste ámbito terían sido máis
salientábeis “senón fose pola folga de instaladores”.
No que respecta á oferta
converxente Movistar Fusión, Fusión+, a empresa dá servizo a 3,9
millóns de clientes e 1,5 millóns de liñas adicionais,
representando case o 80% dos clientes de banda larga e o 60% de
contrato móbil.
Movistar pechou o
trimestre cunha cobertura de fibra de 12,5 millóns de fogares.
Durante este tempo a cifra medrou en 1 millón de fogares. En
clientes de móbil, a operadora conta con 17,3 millóns de usuarios,
un 3% menos que no mesmo período do ano pasado. Porén, a operadora
tivo unha ganancia positiva por quinto mes consecutivo. Sinalar tamén
que a cobertura 4G LTE de Movistar abrangueu ao 62% da poboación en
xuño de 2015, catro puntos por riba da achegada no mes de marzo.