Twitter presenta ferramentas para mellorar a atención ao cliente

O achegamento de Twitter ao mundo da empresa non está ligado unicamente á comercialización de publicidade, senón que tamén busca destacar o seu potencial cara á atención ao cliente das grandes marcas, asegurando a compañía que nos dous últimos anos triplicáronse o número de chíos deste tipo, ante a demanda dos usuarios dunha atención cada vez máis persoal e dispoñible as 24 horas do día. Por iso hoxe presentan un par de novidades para as empresas que suporán unha importante mellora á hora de establecer comunicacións entre empresas e clientes.
A primeira destas novidades será a posibilidade de que as empresas poidan incluír unha ligazón nas súas mensaxes que leven ao usuario que pique sobre a mesma a unha mensaxe directa, para poder así conversar sobre un problema en concreto en privado, facendo que esta comunicación sexa moito doada e áxil. As empresas poderán comezar a poder engadir ligazóns profundas a mensaxes directas nos seus chíos a partires de hoxe.
A outras novidade sería a ferramente Customer Feedback, que permitiría que os usuarios, tras unha interacción, poidan compartir a súa opinión coa empresa de xeito privado. Iso facilita un seguimento estruturado para medir mellor os resultados e optimizar as experiencias. Esta funcionalidade presentarase baixo dous formatos distintos: Net Promoter Score SM (NPS) e Customer Satisfaction (CSAT). Esta última novidade comezará a estar dispoñible nas vindeiras semanas.